ДЗЯРЖОРГАНЫДЗЯРЖОРГАНЫ
Пятніца, 23 кастрычніка 2020
Мінск Пераменная воблачнасць +11°C
Усе навіны
Усе навіны
Спорт
18 верасня 2020, 15:56

Гандбалісты "Эльверума" перамаглі "Порту" ў матчы групавога этапу Лігі чэмпіёнаў

Фота eurohandball.com
Фота eurohandball.com

18 верасня, Мінск /Кар. БЕЛТА/. Гандбалісты нарвежскага "Эльверума" атрымалі перамогу над партугальскім "Порту" ў першым туры новага сезона Лігі чэмпіёнаў, паведамляе карэспандэнт БЕЛТА.

Гуляючы на пляцоўцы партугальцаў, нарвежцы ўступілі ў першым тайме з розніцай у чатыры мячы - 12:16. Аднак пасля перапынку госці ў сярэдзіне другой палавіны сустрэчы дагналі гаспадароў і ў выніку дабіліся перамогі з перавагай у два галы - 30:28. У наступным туры 23 верасня ў "Порту" згуляе чэмпіён Беларусі "Мяшкоў Брэст". На старце турніру ў папярэдняй групе А брастаўчане абыгралі на сваёй арэне паўночнамакедонскі "Вардар" са Скоп'е з лікам 24:22. Нямецкі "Фленсбург" адолеў на сваёй пляцоўцы польскі "Кельцы" з мінімальнай перавагай - 31:30. Лепшым снайперам у складзе польскага клуба стаў Арцём Каралёк, які закінуў 7 мячоў, на адзін гол менш у актыве Уладзіслава Кулеша. Матч "Пік" (Сегед, Венгрыя) - "Пары Сен-Жэрмен" (Францыя) перанесены.

У першым туры папярэдняй групы В усе матчы завяршыліся перамогамі прыезджых каманд. У Запарожжы гандбалісты іспанскай "Барселоны" абыгралі чэмпіёна Украіны - мясцовы "Матор" з лікам 30:25. Беларус Вячаслаў Бохан, які выступае ў складзе запарожцаў, закінуў 4 мячы, Барыс Пухоўскі тройчы трапіў у вароты гасцей. За "Матор" таксама гуляюць яшчэ два беларусы - Іван Мароз і Максім Бабічаў. Нямецкі "Кіль" выйграў на выездзе ў харвацкага "Заграба" - 31:21, дацкі "Ольбарг" абыграў у гасцях славенскі "Цэле" з лікам 31:29, а венгерскі "Веспрэм" таксама на выездзе ўзяў верх над французскім "Нантам" - 28:24.

Па выніках першага этапу, які завершыцца 3 сакавіка 2021 года, пераможцы дзвюх груп адразу трапяць у чвэрцьфінал, а каманды, якія занялі 2-4 месцы, правядуць матчы 1/8 фіналу. Вырашальны этап Лігі чэмпіёнаў - "Фінал чатырох" - запланаваны на 12-13 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі