ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -5°C
Усе навіны
Усе навіны
Спорт
26 жніўня 2022, 17:28

Гандбалісткі "Гомеля" разграмілі "Віцябчанку" на старце турніру памяці Томажа Чатэра

Фота ГК "Гомель"
Фота ГК "Гомель"

26 жніўня, Мінск /Кар. БЕЛТА/. Гандбалісткі "Гомеля" і брэсцкага клуба "Вікторыя-Бярэсце" атрымалі перамогі на старце турніру памяці Томажа Чатэра, які праходзіць у гомельскім палацы гульнявых відаў спорту, паведамляе карэспандэнт БЕЛТА.

Гаспадыні спаборніцтваў чэмпіёнкі Беларусі ў першым паядынку не пакінулі шанцаў на поспех саперніцам і выйгралі з розніцай 25 мячоў - 39:14. Самымі рэзультатыўнымі ў складзе гамяльчанак сталі Наталля Даньшына і Лада Самойленка, якія па пяць разоў трапілі ў вароты саперніц. Брэсцкія гандбалісткі ўпэўнена абыгралі спартсменак "Гараднічанкі" з лікам 27:22.

Сёння "Вікторыя-Бярэсце" згуляе з "Гомелем", а гродзенскія спартсменкі будуць сапернічаць з віцебскай камандай. Заўтра, у заключны дзень спаборніцтваў, таксама адбудуцца два паядынкі: "Вікторыя-Бярэсце" - "Віцябчанка", "Гомель" - "Гараднічанка".

Славенскі спецыяліст Томаж Чатэр з 2013 года ўзначальваў жаночую нацыянальную зборную Беларусі. З 2016-га ён таксама стаў галоўным трэнерам гандбалістак "Гомеля", з якімі чатыры разы станавіўся чэмпіёнам і чатыры разы выйграў Кубак Беларусі. У сакавіку 2021 года ён памёр пасля цяжкай хваробы ва ўзросце 51 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі