16 красавіка, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння праходзяць чарговыя сустрэчы 4-га тура, паведамляе карэспандэнт БЕЛТА.
У першай з іх на стадыёне ФК "Мінск" футбалісты "Іслачы" разышліся мірам з гродзенскім "Нёманам" - 1:1. Абодва мячы былі закінуты ў другой палавіне гульні: на 65-й мінуце Марцін Арцюх вывеў гаспадароў наперад, а праз 15 мінут івуарыйскі форвард гасцей аднавіў раўнавагу.
Пазней у цэнтральным паядынку дзеючы чэмпіён краіны "Шахцёр" прыме ў Салігорску лідара турніру барысаўскі БАТЭ. Мінскае "Дынама" згуляе на полі галоўнай спартыўнай арэны краіны з бабруйскай "Белшынай", а ў Жодзіне мясцовыя тарпедаўцы паспрабуюць набраць першыя ачкі ў паядынку з дэбютантам элітнага дывізіёна дзяржынскім "Арсеналам".
Учора ў стартавым паядынку гэтага тура футбалісты "Мінска" на выездзе атрымалі валявую вікторыю над "Слуцкам" - 4:2.
Заключныя сустрэчы 4-га тура пройдуць у нядзелю, 17 красавіка: "Віцебск" - "Славія" (Мазыр), "Гомель" - "Днепр" (Магілёў), "Дынама" (Брэст) - "Энергетык-БДУ" (Мінск).
Становішча ў лідзіруючай групе цяпер такое: БАТЭ - 9 ачкоў, на адзін бал менш у "Нёмана", "Дынама" (Мінск), "Энергетык-БДУ" і "Мінск" набралі па 7 ачкоў.
Спіс лепшых бамбардзіраў узначальвае ўзбекскі нападаючы "Энергетыка-БДУ" Бабур Абдзіхолікаў, які забіў 4 мячы.-0-
