Мабільная версія
ДЗЯРЖОРГАНЫ
Апошнія навіны
Усе навіны

Футбалісты мінскага і брэсцкага "Дынама" правядуць матчы кваліфікацыі Лігі Еўропы

Спорт 09.08.2018 | 11:07

9 жніўня, Мінск /Кар. БЕЛТА/. Футбалісты мінскага і брэсцкага "Дынама" правядуць сёння першыя матчы 3-га кваліфікацыйнага раўнда Лігі Еўропы, паведамляе карэспандэнт БЕЛТА.

Мінчане пад кіраўніцтвам галоўнага трэнера Сяргея Гурэнкі згуляюць сёння на абноўленым стадыёне "Дынама" з піцерскім "Зенітам". Расійская каманда з'яўляецца фаварытам будучага процістаяння, але беларусы маюць намер аказаць упартае супраціўленне. У гульні не прыме ўдзел адзін з лепшых форвардаў расійскага футбола Арцём Дзюба. Галоўны трэнер "Зеніта" Сяргей Сямак прыняў рашэнне пакінуць форварда дома, дзе ён працягвае рыхтавацца да клубнага сезона.

Апошні раз "Дынама" і "Зеніт" сустракаліся ў Мінску 29 гадоў таму ў чэмпіянаце СССР і завяршылі гульню ўнічыю - 1:1. Чарговы матч двух клубаў пачнецца сёння ў 20.00. Галоўным арбітрам будзе Анастасіяс Папапетру з Грэцыі. Тэлеканал "Беларусь 5" правядзе прамую трансляцыю сустрэчы.

Футбалісты брэсцкага "Дынама" таксама ў 20.00 згуляюць у Нікасіі (Кіпр) з мясцовым "Апалонам". Беларускі клуб, паводле слоў галоўнага трэнера Сяргея Кавальчука, у выязной сустрэчы пастараецца ўважліва дзейнічаць у абароне і арганізаваць гол, які павінен дапамагчы камандзе ў гульні ў адказ у Брэсце.

Паўторныя матчы 3-га кваліфікацыйнага раўнда Лігі Еўропы адбудуцца 16 жніўня.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.