16 студзеня, Мінск /Кар. БЕЛТА/. Экіпаж "МАЗ-СПОРТаўта" пад кіраўніцтвам Сяргея Вязовіча заняў пятае месца на 11-м этапе ралі "Дакар", паведамляе карэспандэнт БЕЛТА.
Капотны МАЗ Сяргея Вязовіча прайграў лідару гонкі 12 мін 14 сек. Першым прыйшоў да фінішу грузавік расійскага "КАМАЗ-майстар" Андрэя Каргінава, які праехаў 379 км за 4 гадз 44 мін 51 сек. На другой і трэцяй пазіцыі размясціліся экіпажы яго таварышаў па камандзе Дзмітрыя Сотнікава (адставанне 1 мін 27 сек) і Антона Шыбалава (адставанне 3 мін).
"Дакар" упершыню праходзіць на Блізкім Усходзе, куды старты перабраліся пасля 11 гадоў у Паўднёвай Амерыцы. З 2020 года як мінімум пяць гадоў запар ралі-марафон будзе прымаць Саудаўская Аравія. На старт выйшаў 351 экіпаж (134 пазадарожнікі і UTV, 170 матацыклаў і квадрацыклаў, 47 грузавікоў). Фінішуе ралі-рэйд 17 студзеня.-0-
