10 лютага, Пекін /Кар. БЕЛТА/. У жаночай спрынтарскай гонцы Алімпіяды-2022 прымуць удзел чатыры беларускія біятланісткі, паведамілі карэспандэнту БЕЛТА ў трэнерскім штабе зборнай Беларусі.
Заўтра на дыстанцыю, працягласцю 7,5 км з двума агнявымі рубяжамі, выйдуць Дзінара Алімбекава, Ганна Сола, Ірына Лешчанка і Алена Кручынкіна. Жаночая спрынтарская гонка пачнецца на трасе ў Чжанцзякоу апоўдні 11 лютага.
Пазаўчора першы медаль пекінскіх гульняў алімпійскай зборнай Беларусі прынёс біятланіст Антон Смольскі, які заваяваў серабро ў індывідуальнай гонцы на 20 км. Усяго біятланісты разыгрываюць 11 камплектаў алімпійскіх узнагарод.
Расклад астатніх алімпійскіх гонак:
11 лютага - жаночы спрынт.
12 лютага - мужчынскі спрынт.
13 лютага - мужчынская гонка праследавання; жаночая гонка праследавання.
15 лютага - мужчынская эстафета.
16 лютага - жаночая эстафета.
18 лютага - мужчынскі мас-старт.
19 лютага - жаночы мас-старт.-0-