20 сакавіка, Мінск /Кар. БЕЛТА/. Футбалісты юнацкай зборнай Беларусі (U-17) згулялі ўнічыю на старце элітнага раўнда адборачнага турніру чэмпіянату Еўропы, паведамляе карэспандэнт БЕЛТА.
У паядынку першага тура 4-й кваліфікацыйнай групы ў нямецкім Ідар-Оберштайне з гаспадарамі спаборніцтваў з футбалістамі Германіі беларусы прапусцілі мяч на 8-й мінуце. Пасля перапынку беларускія футбалісты змаглі зраўнаваць лік - на 57-й мінуце вызначыўся Руслан Лісаковіч, які ўстанавіў канчатковы вынік - 1:1.
У суботу, 23 сакавіка, падапечныя Міхаіла Мархеля згуляюць з камандай Славеніі, якая сёння будзе сапернічаць з Ісландыяй. У заключным туры 26 сакавіка беларускай зборнай давядзецца сустрэцца з ісландскімі равеснікамі.
Па выніках спаборніцтваў у васьмі квартэтах элітнага раўнда пуцёўкі ў фінальную стадыю атрымаюць пераможцы груп, а таксама 7 каманд з тых, што занялі другія месцы. Фінальны турнір юнацкага кантынентальнага першынства з удзелам 16 зборных пройдзе з 3 па 19 мая на футбольных арэнах Ірландыі, каманда якой вызвалена ад адборачных матчаў.-0-