ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Пераменная воблачнасць +24°C
Усе навіны
Усе навіны
Спорт
13 ліпеня 2020, 20:07

Беларускія шашысты паказалі добры рэзультат на групавым этапе Кубка нацый - Аніська

Фота з архіва
Фота з архіва

13 ліпеня, Мінск /Кар. БЕЛТА/. Беларускія шашысты паказалі добры рэзультат на групавым этапе анлайн-турніру Кубка нацый. Такое меркаванне карэспандэнту БЕЛТА выказаў старшыня Беларускай федэрацыі шашак Віталь Аніська.

"Кубак нацый - буйнейшы анлайн-турнір года па шашках-100. Па сутнасці, гэта камандны чэмпіянат свету. Вельмі шмат краін-удзельніц, высокая канкурэнцыя. Пасля шостага тура ў мужчын мы лідзіравалі, але ў сёмым раўндзе не склалася. Вядома, хацелася быць у двойцы мацнейшых, тады мы атрымалі б перавагу - прапусцілі б першую стадыю плэй-оф, але нічога страшнага. У далейшым нас чакаюць сапернікі па сілах. Дзяўчаты маглі згуляць лепш, у прынцыпе, час яшчэ ёсць. У цэлым выступленне нашых каманд можна назваць добрым", - сказаў Віталь Аніська.

Паводле яго слоў, беларусам пад сілу паспаборнічаць за прызавыя месцы. "Гэта даказалі беларускія юнакі, перамогшы лідараў турнірнай табліцы расіян і атрымаўшы перамогу ў пяці матчах з сямі, - адзначыў кіраўнік Беларускай федэрацыі шашак. - Правядзенне анлайн-турніраў - добрая практыка ў час пандэміі каранавіруса, калі няма магчымасці прысутнічаць на турніры фізічна. На жаль, існуюць так званыя чытары, якія выкарыстоўваюць пабочныя праграмы. З імі актыўна змагаюцца арганізатары спаборніцтваў. Спецыяльныя праграмы і журы аналізуюць партыі і выносяць вердыкт. На сто працэнтаў нельга быць упэўненым у сумленнасці, але ўсё ідзе да таго, каб спорт быў чыстым", - дадаў ён.

Скончыўся папярэдні этап турніру Кубка нацый. Па яго выніках беларуская мужчынская каманда размясцілася на 4-м месцы, набраўшы 10 пунктаў. Першую пазіцыю ў турнірнай табліцы заняла Расія (12 балаў). Другое месца дасталася ўкраінскім спартсменам (11 ачкоў), замкнуў тройку лідараў Кітай (11 пунктаў). У мужчынскім турніры 29 зборных па швейцарскай сістэме ў сямі турах вызначалі 14 удзельнікаў плэй-оф.

У жаночых спаборніцтвах прымаюць удзел 11 каманд. Яны гуляюць па кругавой сістэме, шэсць лепшых выходзяць у плэй-оф. На гэты час жаночая зборная Беларусі набрала сем балаў і займае 5-е месца. На першай пазіцыі размясцілася каманда з Расіі (14 пунктаў), другім у турнірнай табліцы значыцца Манголія (11 ачкоў), трэцяе месца займае Кітай (11 ачкоў).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі