10 лютага, Пекін /Кар. БЕЛТА/. Беларускія фрыстайлісты не змаглі выйсці ў фінал каманднага турніру па лыжнай акрабатыцы на Гульнях у Пекіне, паведамляе карэспандэнт БЕЛТА.
У складзе беларускага трыа выступалі Ганна Гуськова, Станіслаў Гладчанка і Максім Гусцік. У першым раўндзе кожны з акрабатаў выканаў па адным скачку, агульная сума беларусаў склала 273,67 бала, што стала горшым рэзультатам сярод шасці зборных, якія стартавалі. Ад прахаднога чацвёртага месца, якое занялі швейцарцы, Гуськову, Гладчанку і Гусціка аддзялілі 26,95 ачка. Таксама ў фінал кваліфікаваліся каманды Кітая, ЗША і Канады.
Медалі ў гэтай дысцыпліне лыжнай акрабатыкі разыгрываюцца на Алімпійскіх гульнях упершыню.-0-
