18 лютага, Пекін /Кар. БЕЛТА/. Беларускія біятланісткі Ганна Сола і Дзінара Алімбекава не трапілі ў лік прызёраў мас-старту Алімпіяды, паведамляе карэспандэнт БЕЛТА.
На дыстанцыі працягласцю 12,5 км Ганна Сола заняла дзясятае месца, уступіўшы пераможцы 1 мін. 39,2 сек. Беларуска восем разоў прамахнулася на чатырох агнявых рубяжах. Дзінара Алімбекава таксама не закрыла восем мішэней і фінішавала на 12-й пазіцыі (+2 мін. 01,2 сек.).
Алімпійскай чэмпіёнкай стала французская біятланістка Жусцін Брэзаз-Бушэ з рэзультатам 40 мін. 18,0 сек. пры чатырох недакладных выстралах. Серабро выйграла нарвежка Цірыль Экхаф (+15,3 сек.; 4 промахі), бронзавы медаль заваявала яе суайчынніца Мартэ Ройселан (+34,9 сек.; 4).
Алімпійскі біятлонны турнір у Чжанцзякоу завершыцца сёння мужчынскім мас-стартам на 15 км з чатырма агнявымі рубяжамі. Беларусь прадставіць сярэбраны прызёр індывідуальнай гонкі Антон Смольскі.-0-
