9 чэрвеня, Мінск /Кар. БЕЛТА/. Беларускі Ірына Прасянцова і Вольга Сілкіна заваявалі золата ЧС па сучасным пяцібор'і, які праходзіць у Каіры (Егіпет), паведамляе карэспандэнт БЕЛТА.
Яны першынствавалі ў эстафеце. Перамогу Ірыне Прасянцовай і Вользе Сілкінай прынесла сума ў памеры 1395 балаў. На другім месцы завяршылі турнір расіянкі Гульназ Губайдуліна і Ульяна Баташова - 1383 ачкі. Венгеркі Рыта Эрдэш і Шаралта Шыман сталі бронзавымі медалісткамі планетарнага форуму.
Чэмпіянат свету па сучасным пяцібор'і ў Каіры з'яўляецца заключным адборачным стартам на Алімпійскія гульні ў Токіа. Спаборніцтвы прадоўжацца да 14 чэрвеня.-0-
