4 кастрычніка, Мінск /Кар. БЕЛТА/. Беларуская тэнісістка Аляксандра Сасновіч (31-ы нумар сусветнага рэйтынгу) пераможна стартавала на турніры катэгорыі WTA-500 у чэшскай Остраве з прызавым фондам $757 тыс., паведамляе карэспандэнт БЕЛТА.
У сённяшнім паядынку першага раўнда беларуска перайграла ў двух сэтах прадстаўніцу Латвіі Алену Астапенка (16) - 6:2, 6:2. Матч доўжыўся 1 гадзіну 13 мінут. У гульні за выхад у чвэрцьфінал Аляксандра Сасновіч будзе сапернічаць з казахстанскай тэнісісткай Аленай Рыбакінай (26).
Учора экс-першая ракетка планеты беларуска Вікторыя Азаранка (24) уступіла ў трохсэтавым паядынку расіянцы Кацярыне Аляксандравай (21) - 4:6, 6:4, 2:6.
Заўтра ў 1/8 фіналу парнага разраду турніру ў туніскім горадзе Манасцір з прызавым фондам $251 тыс. беларуская тэнісістка Лідзія Марозава і амерыканка Кейтлін Крысціян згуляюць з румынска-французскім тандэмам Жаклін Крысціян / Дзіян Пары.
Спаборніцтвы ў Чэхіі і Тунісе завершацца 9 кастрычніка.-0-
