3 лістапада, Мінск /Кар. БЕЛТА/. Баскетбалісты двух беларускіх клубаў правядуць сёння чарговыя сустрэчы кантынентальных турніраў, паведамляе карэспандэнт БЕЛТА.
У матчы 4-га тура групы G мужчынскага Кубка ФІБА-Еўропа "Цмокі-Мінск" згуляюць у гасцях у грэчаскага "Перыстэры". У першым крузе беларускія баскетбалісты выйгралі ў грэкаў на сваёй арэне з лікам 87:85. Потым мінчане перамаглі на выездзе нямецкі "Кральсхайм" - 81:77, а потым прайгралі ў Орхусе дацкаму клубу "Бакен Беарз" з рэзультатам 93:101. У другім сённяшнім паядынку "Кральсхайм" прыме "Бакен Беарз". Становішча каманд пасля трох гульнявых дзён: "Цмокі-Мінск" - 5 ачкоў, "Кральсхайм" - 5, "Перыстэры" - 4,"Бакен Беарз" - 4. У наступны раўнд розыгрышу Кубка ФІБА-Еўропа выйдуць па дзве лепшыя каманды з васьмі квартэтаў.
Чэмпіёнкі Беларусі баскетбалісткі сталічнага "Гарызонта" паспрабуюць здабыць сваю другую вікторыю ў групе С розыгрышу жаночага Еўракубка. Каманда Наталлі Трафімавай згуляе ў гасцях з лідарам гэтага квартэта турэцкім клубам "Мерсін", якому дома ўступіла з лікам 55:78. Потым "Гарызонт" прайграў у гасцях польскаму клубу "Горжаў" - 58:80, пасля чаго таксама на выездзе абыграў яшчэ адну польскую каманду "Люблін" з розніцай 12 балаў - 62:50. Сёння ў Горжаве польскія клубы сустрэнуцца паміж сабой. Становішча каманд пасля трох тураў: "Мерсін" - 6 ачкоў, "Гарызонт" - 4, "Люблін" - 4, "Горжаў" - 4.
У плэй-оф выйдуць па два лепшыя клубы з 12 квартэтаў, а таксама 4 каманды, якія зоймуць трэція месцы (па дадатковых паказчыках).-0-
