4 кастрычніка, Мінск /Кар. БЕЛТА/. Беларуская тэнісістка Арына Сабаленка (16-ы нумар рэйтынгу WTA) атрымала другую перамогу на турніры катэгорыі "Прэм'ер" у Пекіне (прызавы фонд - $8,2 млн) і выйшла ў чвэрцьфінал, паведамляе карэспандэнт БЕЛТА.
У сённяшнім паядынку 1/8 фіналу з 8-й ракеткай планеты Каралін Гарсіяй з Францыі Сабаленка выйграла - 5:7, 7:6 (7:3), 6:0. У першай партыі Арына ўступала 2:5, потым змагла дагнаць саперніцу, але ў выніку ўступіла.
У другім сэце Гарсія зноў вырвалася наперад 5:2, але беларуска не здавалася і зноў зраўнавала лік - 5:5. Затым справа дайшла да тай-брэйка, у якім поспех быў на баку Арыны Сабаленка.
У вырашальнай партыі яна адразу захапіла ініцыятыву і заслужана перамагла. Сустрэча прадаўжалася 2 гадзіны 20 хвілін.
Цяпер у барацьбе за выхад у паўфінал China Open Арына Сабаленка сустрэнецца з кітаянкай Ван Цян (28).
У 1/16 фіналу Арына Сабаленка перайграла іспанку Гарбінье Мугурусу (15) - 7:5, 6:4.
Спаборніцтвы ў кітайскай сталіцы завершацца 7 кастрычніка.-0-
Фота Сіньхуа-БЕЛТА
