ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Спорт
05 ліпеня 2021, 16:28

Арына Сабаленка прабілася ў чвэрцьфінал Уімблдона

Арына Сабаленка. Фота eurosport.ru
Арына Сабаленка. Фота eurosport.ru

5 ліпеня, Мінск /Кар. БЕЛТА/. Чацвёртая ракетка свету беларуска Арына Сабаленка ўпершыню ў кар'еры прабілася ў чвэрцьфінал Уімблдонскага турніру, паведамляе карэспандэнт БЕЛТА.

Сёння ў матчы 1/8 фіналу лепшая беларуская тэнісістка перамагла прадстаўніцу Казахстана Алену Рыбакіну (20-ы нумар сусветнага рэйтынгу) - 6:3, 4:6, 6:3. Сустрэча прадаўжалася 1 гадзіну 50 мінут. Наступнай саперніцай Арыны Сабаленка будзе туніская тэнісістка Унс Джабір (24). У першым раўндзе беларуска перамагла румынку Моніку Нікулеску (191), потым узяла верх над брытанкай Кэці Бултэр (219), а потым выйграла ў калумбійскай тэнісісткі Марыі Камілы Асорыа Серана (94). Выхад у 1/4 фіналу з'яўляецца лепшым дасягненнем 23-гадовай мінчанкі за чатыры выступленні на травяных кортах Уімблдона.

У паядынку 1/8 фіналу мужчынскага адзіночнага разраду беларус Ілья Івашка (79) прайграў дзявятаму нумару сусветнага рэйтынгу італьянцу Матэа Берэціні - 4:6, 3:6, 1:6.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі