20 ліпеня, Мінск /Кар. БЕЛТА/. Беларуская тэнісістка Аляксандра Сасновіч паспяхова стартавала на турніры катэгорыі WTA-250 у польскім горадзе Гдыня з прызавым фондам $235,2 тыс., паведамляе карэспандэнт БЕЛТА.
Сёння ў паядынку першага раўнда беларуска, якая займае 87-е месца ў сусветным рэйтынгу, абыграла польскую тэнісістку Вераніку Базак, у якой 1199-я пазіцыя, - 3:6, 6:1, 6:2. Сустрэча прадаўжалася 1 гадзіну 45 мінут. У матчы за выхад у чвэрцьфінал беларуска згуляе з украінкай Кацярынай Казловай (141-ы нумар рэйтынгу WTA).
Яшчэ адна беларуская тэнісістка Вольга Гаварцова (126) у 1/16 фіналу сустрэнецца сёння з прадстаўніцай Германіі Тамарай Корпач (162).
Турнір у Гдыні завершыцца 25 ліпеня.-0-
