7 мая, Мінск /Кар. БЕЛТА/. Фінальныя турніры алімпійскай кваліфікацыі па хакеі з шайбай перанесены з 2020 на 2021 год. Такое рашэнне было прынята на анлайн-пасяджэнні Савета IIHF, паведамляе карэспандэнт БЕЛТА са спасылкай на афіцыйны сайт Міжнароднай федэрацыі хакея.
Каменціруючы гэта рашэнне, прэзідэнт IIHF Рэнэ Фазель адзначыў: "Нам пашанцавала, што ў нас яшчэ ёсць час правесці гэтыя турніры, перанос кваліфікацыі на жнівень 2021 года дасць магчымасць камандам вывесці на лёд сваіх лепшых ігракоў".
Такім чынам, адборачны турнір у групе D пройдзе ў Браціславе 26-29 жніўня 2021 года. Сапернікамі падапечных Міхаіла Захарава будуць каманды Славакіі, Аўстрыі і Польшчы.
Паведамляецца, што рашэнне было прынята з-за пандэміі каранавіруснай інфекцыі. Перанос кваліфікацыі быў зацверджаны Выканкамам МАК.-0-