Мабільная версія
ДЗЯРЖОРГАНЫ

Апошнія навіны
Усе навіны

Афіцыйны мабільны дадатак II Еўрапейскіх гульняў прэзентавалі ў ПВТ

Спорт 08.02.2019 | 14:46

8 лютага, Мінск /Кар. БЕЛТА/. У Парку высокіх тэхналогій прэзентавалі афіцыйны мабільны дадатак II Еўрапейскіх гульняў - Minsk2019, перадае карэспандэнт БЕЛТА.

Распрацоўшчыкам дадатку з'яўляецца кампанія Synesis Sport - рэзідэнт ПВТ.

Дадатак працуе на платформах Android і iOS і зусім не ўступае мабільнай версіі сайта Гульняў. Яго галоўная асаблівасць у тым, што асноўная інфармацыя аб Гульнях і інфраструктуры будзе даступна карыстальнікам нават ва ўмовах адсутнасці інтэрнэт-падключэння.

Акрамя таго, афіцыйны дадатак II Еўрапейскіх гульняў дае карыстальнікам магчымасць атрымліваць push-паведамленні з самымі актуальнымі навінамі, фарміраваць інфармацыйную стужку па інтарэсах, праглядаць расклад спаборніцтваў з фільтрам падзей, пракласці самы хуткі і зручны шлях да спартыўнага аб'екта, а таксама знайсці інфармацыю аб мясцовых славутасцях.

Распрацоўшчыкі адзначаюць, што Minsk2019 - гэта не проста афіцыйны дадатак Гульняў, а даведнік па галоўнай спартыўнай падзеі гэтага лета. Дарэчы, ён ужо даступны для бясплатнага скачвання ў Google Play і App Store.

Кампанія Synesis Sport таксама створыць 3D-візуалізацыі для спартыўных аб'ектаў II Еўрапейскіх гульняў.

Пілотная версія сістэмы 3D-візуалізацыі распрацавана на прыкладзе стадыёна "Дынама". Гледачу будзе даступна віртуальная панарама з цэнтра арэны, дзе ён можа павярнуцца на 360 градусаў, разгледзець усе трыбуны і выбраць сектар або катэгорыю білета. Зрабіўшы выбар, карыстальнік пераходзіць на панараму 180 градусаў з трыбуны, адкуль адкрываецца від на арэну і дзе падсвечваюцца зоны правядзення спаборніцтваў для розных відаў спорту.

Як сцвярджаюць распрацоўшчыкі, 3D-візуалізацыя дасць гледачам магчымасць ацаніць агляд спартыўнай пляцоўкі з розных трыбун у залежнасці ад катэгорыі білета, а таксама зразумець, наколькі відаць канкрэтныя зоны.

II Еўрапейскія гульні пройдуць у Мінску з 21 па 30 чэрвеня. Больш за 4 тыс. атлетаў з 50 краін разыграюць 199 камплектаў узнагарод у 15 відах спорту. Спаборніцтвы ў васьмі відах стануць кваліфікацыйнымі да XXXII Алімпійскіх гульняў 2020 года ў Токіа.-0-

Фота Раміля Насібуліна

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.