25 чэрвеня, Мінск /Кар. БЕЛТА/. Першыя чвэрцьфінальныя паядынкі адбыліся ў розыгрышы Кубка Беларусі па футболе сярод жаночых каманд, паведамляе карэспандэнт БЕЛТА.
Лідар цяперашняга нацыянальнага чэмпіянату мінскае "Дынама-БДУФК" нечакана з лёгкасцю перамог сярэбранага прызёра мінулага чэмпіянату краіны футбалістак мінскай "Зоркi-БДУ" з лікам 6:0.
З такім жа рэзультатам гродзенскі "Нёман" разграміў у гасцях выхаванак Брэсцкага абласнога цэнтра алімпійскага рэзерву.
Куды больш цяжкім атрымаўся паядынак у Магілёве, дзе спартсменкі мясцовага "Дняпра" прымалі "Бабруйчанку". У час сустрэчы гаспадыні двойчы вялі ў ліку - 1:0 і 2:1, але ў выніку не ўтрымалі нават нічыю, уступіўшы з рэзультатам 2:3.
Матчы ў адказ за выхад у паўфінальную стадыю пройдуць 8 ліпеня.
Цяперашнія ўладальнікі Кубка і чэмпіёнкі краіны футбалісткі "Мінска" ўступяць у барацьбу з паўфіналу. Жаночая каманда ФК "Мінск" выйгравала Кубак восем разоў, дзесяць трафеяў у "Бабруйчанкі", магілёўская "Надзея" чатыры разы перамагала ў кубкавым турніры, па тры разы ўладальніцамі Кубка станавіліся спартсменкі "Зоркi-БДУ" і віцебскага "Універсітэта".-0-
