12 жніўня, Мінск /Кар. БЕЛТА/. Асацыяцыя "Беларуская федэрацыя футбола" перанесла два сённяшнія матчы чэмпіянату Беларусі, паведамляе карэспандэнт БЕЛТА.
Сустрэча паміж брэсцкім "Дынама" і "Слуцкам" перанесена на падставе хадайніцтва дынамаўскага клуба ў сувязі з узмоцненай падрыхтоўкай каманды да паядынку першага кваліфікацыйнага раўнда Лігі чэмпіёнаў з казахстанскай "Астаной", які адбудзецца 18 жніўня ў Брэсце.
Матч "Мінска" і мазырскай "Славіі" перанесены па просьбе мінчан у мэтах далейшых прафілактычных мерапрыемстваў па барацьбе з распаўсюджваннем COVID-19.
Даты правядзення адкладзеных сустрэч будуць вядомы пазней.-0-
