Мабільная версія
ДЗЯРЖОРГАНЫ

Апошнія навіны
Усе навіны

Заснаваны Клуб рэдактараў Беларусі і Расіі

Грамадства 13.11.2018 | 19:33
У час пасяджэння
У час пасяджэння

13 лістапада, Камянецкі раён /Кар. БЕЛТА/. Заснаваны Клуб кіраўнікоў СМІ і экспертаў Беларусі і Расіі. Сімвалічна, што яго першае пасяджэнне адбылося ў дзяржаўнай рэзідэнцыі "Віскулі" ў Белавежскай пушчы, перадае карэспандэнт БЕЛТА.

Беларуска-расійскі Клуб галоўных рэдактараў заснаваны кіраўнікамі вядучых СМІ дзвюх краін. Сярод яго ўдзельнікаў - старшыня Белтэлерадыёкампаніі Іван Эйсмант, старшыня праўлення ЗАТ "Другі нацыянальны тэлеканал" Марат Маркаў, генеральны дырэктар ЗАТ "Сталічнае тэлебачанне" Ігар Луцкі, галоўны рэдактар выдавецкага дома "Беларусь сёння" Дзмітрый Жук, генеральны дырэктар інфармацыйнага агенцтва "Мінск-Навіны" Юрый Казіятка. Удзельнікамі мерапрыемства таксама сталі сузаснавальнік таварыства "Друзья-Сябры", генеральны дырэктар радыё "Гаворыць Масква" Уладзімір Мамантаў, дэкан Вышэйшай школы тэлебачання МДУ імя М.В. Ламаносава Віталь Траццякоў, галоўны рэдактар газеты "Комсомольская правда" Уладзімір Сунгоркін. Сузаснавальнікам новага прафесійнага аб'яднання выступіў Беларускі саюз журналістаў.

Намеснік старшыні Пастаяннай камісіі Савета Рэспублікі па рэгіянальнай палітыцы, старшыня РГА "Белая Русь" Генадзь Давыдзька адзначыў актуальнасць ідэі Клуба рэдактараў. "Мы не палітыкі, але СМІ робяць палітыку. Аналіз падзей, вугал падачы інфармацыі цяпер маюць каласальнае значэнне. Мы жывём у перыяд, калі інфармацыя становіцца галоўнай прыладай. Таму кансалідацыя людзей, якія фарміруюць грамадскую думку, вельмі важна", - сказаў Генадзь Давыдзька.

"На мой погляд, няма лічога лепшага за прафесійны дыялог. Можна шмат гаварыць пра нейкія лозунгі, высокія матэрыі, але жыццё ўвесь час прапаноўвае новыя выклікі, ставіць задачы. Як гэта будзе гучаць у медыйных рэсурсах, залежыць, вядома, ад людзей, якіх называюць лідарамі грамадскай думкі. У сувязі з гэтым, мне здаецца, надзвычай важны такі адкрыты, прамы, шчыры дыялог паміж прадстаўнікамі, кіраўнікамі беларускіх і расійскіх СМІ", - падзяліўся меркаваннем першы намеснік генеральнага дырэктара ТАСС Міхаіл Гусман.

Удзельнікі мерапрыемства дамовіліся, што клуб будзе мець адкрыты характар. На пасяджэнні плануецца запрашаць вядучых палітыкаў і экспертаў дзвюх краін. Наступная сустрэча рэдактараў пройдзе ў Расіі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.