Мабільная версія
ДЗЯРЖОРГАНЫ

Апошнія навіны
Усе навіны

Задача па рамонце 7 тыс. км мясцовых дарог у 2020 годзе будзе выканана - Кухараў

Грамадства 08.02.2019 | 12:05

8 лютага, Мінск /Таццяна Лісатовіч - БЕЛТА/. Пастаўленая кіраўніком дзяржавы задача па прывядзенні ў належны стан 7 тыс. км мясцовых дарог будзе выканана ў 2020 годзе. Аб гэтым заявіў 7 лютага журналістам намеснік прэм'ер-міністра Уладзімір Кухараў пасля падагульняючай калегіі Міністэрства транспарту і камунікацый, перадае карэспандэнт БЕЛТА.

"Мы можам з упэўненасцю сказаць, што пастаўленая задача па прывядзенні ў парадак 7 тыс. км мясцовых аўтамабільных дарог у 2020 годзе будзе выканана", - сказаў віцэ-прэм'ер. Паводле яго слоў, усе неабходныя для гэтага праграмныя дакументы распрацаваны. "Мы прапрацавалі пытанні фінансавання, у кожным аблвыканкаме адпрацаваны план мерапрыемстваў, ажыццяўляецца кантроль за іх выкананнем", - падкрэсліў Уладзімір Кухараў.

Як праінфармаваў у час свайго выступлення на калегіі міністр транспарту і камунікацый Аляксей Аўраменка, з пачатку рэалізацыі Дзяржаўнай праграмы па развіцці і ўтрыманні аўтамабільных дарог адрамантавана і рэканструявана крыху больш за 3,6 тыс. км мясцовых дарог, што складае 51,6 працэнта ад устаноўленага задання на 7 тыс. км.

Гаворачы ў цэлым аб дарожнай гаспадарцы рэспублікі, міністр адзначыў, што ў 2018 годзе найбольш значнымі аб'ектамі для галіны і краіны ў цэлым былі рэканструкцыя аўтамабільнай дарогі М6 Мінск - Гродна з прыцягненнем крэдыту Сусветнага банка (работы завершаны на 35 км з 154 км) і пачатак работ па рэканструкцыі аўтамабільнай дарогі Р80 Слабада - Паперня з удзелам Еўрапейскага банка рэканструкцыі і развіцця. Завяршыць работы на гэтых аб'ектах плануецца да пачатку ІІ Еўрапейскіх гульняў.

"Завершана рэканструкцыя пуцеправода на аўтамабільнай дарозе Р41 Слонім - Масты - Скідзель - граніца Літоўскай Рэспублікі і праведзена рэканструкцыя ўчастка аўтамабільнай дарогі Р23 Мінск - Мікашэвічы (102,2 км - 110,7 км). Працягвалася работа па падрыхтоўцы да рэалізацыі на аснове дзяржаўна-прыватнага партнёрства праекта па рэканструкцыі аўтамабільнай дарогі М10 (на ўчастку 109 км - 195 км)", - праінфармаваў Аляксей Аўраменка.

Акрамя таго, з удзелам Еўрапейскага інвестыцыйнага банка праводзілася падрыхтоўка да рэалізацыі праекта, які ўключае ў сябе рэканструкцыю аўтамабільнай дарогі М7/Е28 Мінск - Ашмяны - граніца Літоўскай Рэспублікі (Каменны Лог). Пачатак работ па гэтым аб'екце запланаваны на канец 2019 года. У ліку праектаў "на перспектыву" міністр назваў рэканструкцыю аўтадарог М3 Мінск - Віцебск (да Плешчаніц) і Р46 ад Лепеля да Полацка.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.