21 лістапада, Мінск /Кар. БЕЛТА/. Беларускае тэлеграфнае агенцтва ў сумесных праектах з Генеральнай пракуратурай "Апошнія сведкі" і Міністэрствам юстыцыі "Архівы. Нічога, акрамя праўды" адкрывае малавядомыя архіўныя дакументы аб генацыдзе беларускага народа ў час Вялікай Айчыннай вайны. Усе серыі праектаў размешчаны на адзінай электроннай платформе "За пячаццю памяці".
Яна цудам выратавалася з братам, калі іх сям'я пад дулам аўтамата ішла на немінучую смерць. Потым былі два гады блуканняў па ўсёй Беларусі і бясконцы голад. Калі 10-гадовую сірату Вольгу Таміла прывезлі ў Маскву да сваякоў бацькі, тыя расплакаліся: на двары быў лістапад, а худая як шкілет дзяўчынка - босая і ў летняй сукенцы. Гісторыя яе выратавання і жыцця - у чарговым матэрыяле праекта.
У праектах прадстаўлены дакументальна пацверджаныя факты аб вайне, пра якія раней лічылася, што лепш не гаварыць. Тэкставы кантэнт эпізодаў праектаў "Апошнія сведкі" і "Архівы. Нічога, акрамя праўды" дапаўняецца ўнікальнымі архіўнымі відэа- і фотаматэрыяламі.-0-
