Фота з архіва
15 жніўня, Мінск /Кар. БЕЛТА/. Вучоныя рыхтуюць новую шматтомную "Гісторыю Беларусі". Аб гэтым паведаміў у інтэрв'ю карэспандэнту БЕЛТА дырэктар Інстытута гісторыі Нацыянальнай акадэміі навук Вадзім Лакіза.
"Сёння археолагі ўключаны ў працэс падрыхтоўкі і напісання шматтомнай "Гісторыі Беларусі", якая ахоплівае перыяд ад каменнага веку і заканчваючы ХХІ стагоддзем, практычна сучаснасцю. За археолагамі два тамы, яны павінны паказаць ва ўсёй разнастайнасці далетапісную гісторыю, а таксама напоўніць гісторыю дзяржаўнасці канкрэтнымі фактамі і матэрыяламі, якія не заўсёды можна знайсці ў пісьмовых крыніцах. Мы хочам, каб гэта было цалкам новае выданне, строга навуковае, але разам з тым разлічанае на шырокае кола чытачоў, якое поўнасцю адпавядае нацыянальным інтарэсам нашай краіны", - сказаў Вадзім Лакіза.
Інстытут гісторыі НАН у кааперацыі з калегамі з ВНУ працуе над падрыхтоўкай гэтай фундаментальнай працы на аснове канцэпцыі, якая прайшла апрабацыю ў рамках падрыхтоўкі і выдання "Гісторыі беларускай дзяржаўнасці", абмеркавання і выкладання. "Аднак гісторыя дзяржаўнасці - гэта ў асноўным палітычная гісторыя. Гісторыя Беларусі намнога шырэйшая. На падрыхтаваную аснову нанізваюцца астатнія факты - эканоміка, сацыяльнае жыццё, матэрыяльная і духоўная культура, усе сферы жыццядзейнасці чалавека, грамадства і дзяржавы", - адзначыў дырэктар інстытута.-0-
"Сёння археолагі ўключаны ў працэс падрыхтоўкі і напісання шматтомнай "Гісторыі Беларусі", якая ахоплівае перыяд ад каменнага веку і заканчваючы ХХІ стагоддзем, практычна сучаснасцю. За археолагамі два тамы, яны павінны паказаць ва ўсёй разнастайнасці далетапісную гісторыю, а таксама напоўніць гісторыю дзяржаўнасці канкрэтнымі фактамі і матэрыяламі, якія не заўсёды можна знайсці ў пісьмовых крыніцах. Мы хочам, каб гэта было цалкам новае выданне, строга навуковае, але разам з тым разлічанае на шырокае кола чытачоў, якое поўнасцю адпавядае нацыянальным інтарэсам нашай краіны", - сказаў Вадзім Лакіза.
Інстытут гісторыі НАН у кааперацыі з калегамі з ВНУ працуе над падрыхтоўкай гэтай фундаментальнай працы на аснове канцэпцыі, якая прайшла апрабацыю ў рамках падрыхтоўкі і выдання "Гісторыі беларускай дзяржаўнасці", абмеркавання і выкладання. "Аднак гісторыя дзяржаўнасці - гэта ў асноўным палітычная гісторыя. Гісторыя Беларусі намнога шырэйшая. На падрыхтаваную аснову нанізваюцца астатнія факты - эканоміка, сацыяльнае жыццё, матэрыяльная і духоўная культура, усе сферы жыццядзейнасці чалавека, грамадства і дзяржавы", - адзначыў дырэктар інстытута.-0-
Падпісвайцеся на нас у
