Вадзім Гігін
25 верасня, Мінск /Кар. БЕЛТА/. Адной з асаблівасцей акцыі "Марафон адзінства" стане тое, што, акрамя графіка і рэжысёрскага сцэнарыя, будзе месца і для імправізацыі. Аб гэтым расказаў генеральны дырэктар Нацыянальнай бібліятэкі Беларусі, старшыня праўлення рэспубліканскага дзяржаўна-грамадскага аб'яднання "Беларускае таварыства "Веды" Вадзім Гігін, перадае карэспандэнт БЕЛТА.
"Гэта творчы фестываль, творчае мерапрыемства, і тут вельмі шмат імправізацыі. Скажам, прыязджаеце вы ў Маладзечна (менавіта гэты горад стане першай кропкай акцыі. - Заўвага БЕЛТА), заходзіце на вакзал і сустракаеце чалавека, якога бачылі толькі на тэлеэкранах, у сацыяльных сетках", - сказаў Вадзім Гігін.
Паводле яго слоў, знакавая сустрэча ў рамках "Марафону адзінства" прадугледжвае, што беларусы могуць шчыра пагаварыць са сваімі выдатнымі суайчыннікамі, абмеркаваць хвалюючыя пытанні. "Напрыклад, вы заходзіце ў гандлёвы цэнтр у абласным або проста вялікім горадзе, а там - Герой Беларусі або алімпійскі чэмпіён. І вы можаце, зноў жа, паразмаўляць, паўдзельнічаць, калі ён захоча правесці віктарыну", - адзначыў ён.
Такім чынам, падкрэсліў Вадзім Гігін, на "Марафоне адзінства" будзе месца імправізацыі і ў гэтым яго адметнасць. "Так, ёсць графік, рэжысёрскі сцэнарый, але ёсць і вельмі шмат імправізацыі. Таму што наша задача за гэтыя два дні - пятніцу і суботу - уключыць увесь горад у "Марафон адзінства". Каб гэтыя два дні горад, рэгіён жылі нашым фестывалем, гэтай акцыяй", - рэзюмаваў Вадзім Гігін.-0-
"Гэта творчы фестываль, творчае мерапрыемства, і тут вельмі шмат імправізацыі. Скажам, прыязджаеце вы ў Маладзечна (менавіта гэты горад стане першай кропкай акцыі. - Заўвага БЕЛТА), заходзіце на вакзал і сустракаеце чалавека, якога бачылі толькі на тэлеэкранах, у сацыяльных сетках", - сказаў Вадзім Гігін.
Паводле яго слоў, знакавая сустрэча ў рамках "Марафону адзінства" прадугледжвае, што беларусы могуць шчыра пагаварыць са сваімі выдатнымі суайчыннікамі, абмеркаваць хвалюючыя пытанні. "Напрыклад, вы заходзіце ў гандлёвы цэнтр у абласным або проста вялікім горадзе, а там - Герой Беларусі або алімпійскі чэмпіён. І вы можаце, зноў жа, паразмаўляць, паўдзельнічаць, калі ён захоча правесці віктарыну", - адзначыў ён.
Такім чынам, падкрэсліў Вадзім Гігін, на "Марафоне адзінства" будзе месца імправізацыі і ў гэтым яго адметнасць. "Так, ёсць графік, рэжысёрскі сцэнарый, але ёсць і вельмі шмат імправізацыі. Таму што наша задача за гэтыя два дні - пятніцу і суботу - уключыць увесь горад у "Марафон адзінства". Каб гэтыя два дні горад, рэгіён жылі нашым фестывалем, гэтай акцыяй", - рэзюмаваў Вадзім Гігін.-0-
Падпісвайцеся на нас у
