Мабільная версія
ДЗЯРЖОРГАНЫ

Апошнія навіны
Усе навіны

Варанкоў: ініцыятыва стварэння "пояса лічбавага добрасуседства" можа выклікаць актыўную дыскусію

Грамадства 09.09.2019 | 09:41
Фота з архіва
Фота з архіва

9 верасня, Мінск /Кар. БЕЛТА/. Ініцыятыва аб фарміраванні "пояса лічбавага добрасуседства", з якой выступіў Прэзідэнт Беларусі Аляксандр Лукашэнка на міжнароднай канферэнцыі па барацьбе з тэрарызмам, праведзенай у Мінску, можа выклікаць актыўную пазітыўную дыскусію. Такое меркаванне ў эфіры тэлеканала "Беларусь 1" выказаў намеснік генеральнага сакратара - кіраўнік Контртэрарыстычнага ўпраўлення ААН Уладзімір Варанкоў, паведамляе БЕЛТА.

"Гэта прапанова можа выклікаць вельмі актыўную пазітыўную дыскусію. Слова добрасуседства, якое дадаў Аляксандр Рыгоравіч, да лічбавых фармулёвак мне здаецца вельмі ўдалым, таму што яно падкрэслівае ролю чалавечага фактара, - канстатаваў намеснік генсакратара. - Тэхналогія - гэта адно. Але каб яна працавала на карысць чалавека, павінна быць добрасуседства, якое стварае ўмовы, дастойныя для жыцця ўсіх людзей".

Адказваючы на пытанне, якое ўражанне зрабіла выступленне кіраўніка дзяржавы на канферэнцыі, Уладзімір Варанкоў сказаў, што назваў бы выступленне Прэзідэнта "асвяжаючым". Калі пастаянна гаварыць адны і тыя ж словы, то прытупляецца іх успрыманне. "А ў гэтым выпадку зусім новыя свежыя ідэі і мова, вельмі блізкая да разумення нармальнага простага чалавека, не задзейнічанага ў палітыцы. Мне здаецца, гэта вельмі працуе. Я выслухаў з велізарнай увагай, мне было вельмі цікава, што скажа Прэзідэнт Рэспублікі Беларусь, і па настроі залы было зразумела, што ўсе слухаюць, затаіўшы дыханне", - дадаў кіраўнік Контртэрарыстычнага ўпраўлення ААН.

Уладзімір Варанкоў адзначыў, што ў цэлым на канферэнцыі адбыўся вельмі добры практычны абмен думкамі, дэлегаты, якія прыехалі з розных краін, устанавілі новыя сувязі. "Што датычыцца фінальнага дакумента, то яго каштоўнасць у тым, што, па-першае, усе краіны заклікалі да адзінства, да работы сумесна. Па-другое, мне здаецца, вельмі важны пасыл, што мы павінны хоць на паўкроку апярэджваць тэрарыстаў у іх спрытнасці, каб прадухіляць (тэракты. - Заўвага БЕЛТА) больш эфектыўна і ўпарта, - сказаў ён. - Калі мы прадухілілі, то сапраўды зрабілі справу, а калі ліквідуем наступствы - гэта, на жаль, дрэнная работа".

"На заканчэнне хацеў бы падзякаваць кіраўніцтву Рэспублікі Беларусь - асабіста Прэзідэнту Аляксандру Лукашэнку за гасціннасць, аказаную гасцям канферэнцыі. Многія з іх упершыню ў Беларусі. Краіна зрабіла на іх вельмі моцнае пазітыўнае ўражанне", - рэзюмаваў намеснік генеральнага сакратара - кіраўнік Контртэрарыстычнага ўпраўлення ААН.

У беларускай сталіцы 3-4 верасня прайшла міжнародная канферэнцыя высокага ўзроўню "Барацьба з тэрарызмам пры дапамозе інавацыйных падыходаў і выкарыстання новых і ўзнікаючых тэхналогій", якая арганізавана Беларуссю сумесна з Контртэрарыстычным упраўленнем ААН.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў