27 мая, Мінск /Кар. БЕЛТА/. Дзяржаўны пагранічны камітэт інфармуе, што ў мэтах забеспячэння пагранічнай бяспекі з 1 чэрвеня па 31 жніўня часова абмяжоўваецца ўезд (уваход), часовае знаходжанне грамадзян у пагранічнай паласе на тэрыторыі Брагінскага, Лоеўскага і Хойніцкага раёнаў Гомельскай вобласці. Аб гэтым БЕЛТА паведамілі ў Дзяржпагранкамітэце.
Уведзеныя абмежаванні не распаўсюджваюцца на асоб, якія выконваюць працоўныя (службовыя) абавязкі, удзельнічаюць у мерапрыемствах па ахове Дзяржаўнай граніцы на названай тэрыторыі.
Таксама ў названы перыяд прыпыняецца выдача пропускаў у пагранічную паласу на тэрыторыі Брагінскага, Лоеўскага і Хойніцкага раёнаў Гомельскай вобласці.
Межы пагранічнай паласы можна знайсці на публічнай кадастравай карце Беларусі.-0-
