Фота з архіва
20 ліпеня, Мінск /Кар. БЕЛТА/. Урад удакладніў пералік будоўляў і аб'ёмы фінансавання аб'ектаў Дзяржінвестпраграмы на 2025 год. Гэта прадугледжана пастановай Савета Міністраў ад 17 ліпеня 2025 года нумар 386, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Дакумент удакладняе пералік будоўляў і аб'ектаў, а таксама аб'ёмы фінансавання будаўніцтва аб'ектаў Дзяржаўнай інвестыцыйнай праграмы на 2025 год, зацверджанай указам нумар 49, у межах сродкаў, прадугледжаных законам Рэспублікі Беларусь нумар 48-З "Аб рэспубліканскім бюджэце на 2025 год". У пералік увайшлі шэраг будынкаў і збудаванняў Міністэрства ўнутраных спраў у Мінскай, Гродзенскай і Брэсцкай абласцях, у тым ліку будаўніцтва адміністрацыйна-навучальнага комплексу МУС у вёсцы Гарані Мінскага раёна.
Акрамя таго, устаноўлена: закупка тавараў (работ, паслуг) юрыдычнымі асобамі, на якія ўскладзены функцыі рэдакцый сродкаў масавай інфармацыі, што з'яўляюцца дзяржаўнымі арганізацыямі, для вытворчасці беларускага (нацыянальнага) кантэнту за кошт сродкаў субсідый, ажыццяўляецца з прымяненнем працэдуры дзяржаўнай закупкі з адной крыніцы. Гэты пункт пастановы ўступіў у сілу з 14 ліпеня і дзейнічае на працягу двух гадоў.
Астатнія пункты дакумента ўступаюць у сілу пасля афіцыйнага апублікавання.-0-
Падпісвайцеся на нас у
