6 ліпеня, Мінск /Кар. БЕЛТА/. Урад аднавіў забарону на вываз з Беларусі пшанічнай мукі і грэчкі, паведамілі БЕЛТА ў прэс-службе ўрада.
Адпаведную пастанову падпісаў прэм'ер-міністр Раман Галоўчанка.
"Забарона на вываз з Беларусі мукі з пшаніцы мяккай і спельты, крупы грубага памолу з грэчкі, грэчневага зерня абадранага, гатовых харчовых прадуктаў з грэчкі будзе дзейнічаць тры месяцы і ўведзена ў мэтах абароны ўнутранага рынку", - адзначылі ў прэс-службе.-0-