ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Грамадства
07 кастрычніка 2022, 14:52

Удзельнікі праведзеных у Казахстане вучэнняў АДКБ паказалі навыкі зладжаных дзеянняў

Фота  "Ваяр"
Фота "Ваяр"

7 кастрычніка, Масква /Эдуард Півавар - БЕЛТА/. У Казахстане завяршыліся вучэнні Калектыўных сіл АДКБ "Узаемадзеянне-2022", "Пошук-2022", "Эшалон-2022", паведаміў БЕЛТА прэс-сакратар АДКБ Уладзімір Зайнетдзінаў.

"Навыкі зладжаных дзеянняў кампанентаў калектыўных сіл аператыўнага рэагавання АДКБ былі прадэманстраваны ў ходзе камандна-штабнога вучэння "Узаемадзеянне", спецыяльных вучэнняў з сіламі і сродкамі разведкі "Пошук" і матэрыяльна-тэхнічнага забеспячэння войскаў "Эшалон", - адзначыў прэс-сакратар.

У цырымоніі закрыцця вучэнняў 7 кастрычніка прынялі ўдзел намеснік генеральнага сакратара АДКБ Тахір Хайрулоеў, начальнік Аб'яднанага штаба АДКБ генерал-палкоўнік Анатоль Сідараў, першы намеснік міністра абароны - начальнік генеральнага штаба Узброеных Сіл Беларусі генерал-маёр Віктар Гулевіч, акім Жамбылскай вобласці Нуржан Нуржыгітаў, прадстаўнікі ваенна-дыпламатычнага корпуса.

Першы намеснік міністра абароны - начальнік генеральнага штаба Узброеных сіл Казахстана генерал-лейтэнант Марат Хусаінаў адзначыў маштаб міжнародных вучэнняў і высокі прафесіяналізм удзельнікаў. "У рамках вучэнняў "Узаемадзеянне", "Пошук" і "Эшалон" выкананы задачы па ўдасканаленні зладжанасці органаў кіравання, баявой гатоўнасці і аператыўнай сумяшчальнасці. Усе без выключэння ўдзельнікі паказалі высокія вынікі. Прафесійным валоданнем баявой тэхнікай і зброяй вы пацвердзілі свой узровень падрыхтоўкі", - падкрэсліў Марат Хусаінаў.

"Па водзывах кіраўніцтва і ўдзельнікаў, вучэнні далі магчымасць павысіць навыкі камандавання калектыўных сіл АДКБ у планаванні, забеспячэнні ўстойлівасці і бесперапыннасці кіравання войскамі, узровень палявой вывучкі і зладжанасці дзеянняў кампанентаў КСАР, выпрацаваць і асвоіць новыя формы і спосабы выканання задач", - дадаў прэс-сакратар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі