30 лістапада, Гродна /Кар. БЕЛТА/. У пункце часовага размяшчэння бежанцаў у транспартна-лагістычным цэнтры на граніцы адкрылі стацыянарны медыцынскі пункт, перадае карэспандэнт БЕЛТА.
Дапамогу бежанцам аказваюць урачы хуткай дапамогі. Пункт будзе працаваць кругласутачна. Тут ёсць усё для аказання экстраннай медыцынскай дапамогі, уключаючы кардыёграф.
У медпункце працуе БІТ-брыгада, у якую ўваходзяць урач і два фельчары, а таксама фельчарская брыгада - два фельчары. У выпадку неабходнасці будзе арганізаваны выезд педыятрычнай брыгады - урач і фельчар.
Кожныя суткі па медыцынскую дапамогу да дзяжурных урачоў звяртаюцца 100-200 бежанцаў. Раней іх прымалі брыгады хуткай медыцынскай дапамогі ў машынах, якія дзяжурылі каля ТЛЦ, але ў сувязі з тым, што прыйшлі замаразкі, цяпер прыём будзе весціся ў спецыяльным памяшканні.-0-
