Мабільная версія
ДЗЯРЖОРГАНЫ

Апошнія навіны
Усе навіны

У НАН Беларусі выбраны 16 акадэмікаў і 28 членаў-карэспандэнтаў

Грамадства 17.11.2014 | 15:10
17 лістапада, Мінск /Кар. БЕЛТА/. У Нацыянальнай акадэміі навук Беларусі выбраны 16 акадэмікаў і 28 членаў-карэспандэнтаў, паведамілі карэспандэнту БЕЛТА ў прэс-службе НАН.

"Нацыянальная акадэмія навук Беларусі падвяла вынікі выбараў новых правадзейных членаў (акадэмікаў) і членаў-карэспандэнтаў. Выбраны 16 акадэмікаў і 28 членаў-карэспандэнтаў", - растлумачылі ў прэс-службе.

Выбары адбыліся ў час сесіі Агульнага сходу НАН Беларусі 13 і 14 лістапада. На 24 вакансіі акадэмікаў і 39 вакансій членаў-карэспандэнтаў прэтэндавалі 40 і 118 кандыдатаў адпаведна. Самы вялікі конкурс адзначаны сярод кандыдатаў на званне акадэміка па спецыяльнасці "біятэхналогія раслін" (чатыры чалавекі на месца). Сярод кандыдатаў на званне члена-карэспандэнта больш за ўсё прэтэндэнтаў было па спецыяльнасці "тэхналогіі машынабудавання" (сем чалавек на месца).

Сярод новых акадэмікаў - тры члены Бюро Прэзідыума Акадэміі навук: першы намеснік старшыні Прэзідыума НАН Сяргей Чыжык, намеснікі старшыні Прэзідыума НАН Сяргей Кілін і Аляксандр Сукала, два акадэмікі-сакратары Аддзяленняў навук НАН, пяць дырэктараў інстытутаў Акадэміі навук. Акадэмікам па спецыяльнасці "кардыяхірургія" стаў вядомы кардыяхірург, загадчык лабараторыі хірургіі сэрца ДУ РНПЦ "Кардыялогія" Юрый Астроўскі, па спецыяльнасці "прыборабудаванне" - дырэктар Навукова-тэхнічнага цэнтра "ЛЭМТ" БелОМА Аляксей Шкадарэвіч. Сярэдні ўзрост нававыбраных акадэмікаў - 61 год.

Сярод 28 выбраных членаў-карэспандэнтаў - два акадэмікі-сакратары аддзяленняў навук НАН Беларусі, шэсць кіраўнікоў арганізацый Акадэміі навук, дырэктар ААТ "КБ Радар" - кіруючая кампанія холдынга "Сістэмы радыёлакацыі" Сяргей Кастраміцкі, шэраг вядомых вучоных-медыкаў, у тым ліку дырэктар РНПЦ траўматалогіі і артапедыі Аляксандр Бялецкі, рэктар Гродзенскага дзяржаўнага медыцынскага ўніверсітэта Віктар Сняжыцкі. Сярэдні ўзрост нававыбраных членаў-карэспандэнтаў - 60 гадоў.

Выбары акадэмікаў і членаў-карэспандэнтаў НАН Беларусі праводзяцца адзін раз у 2,5-3 гады ў межах існуючых вакансій па спецыяльнасцях, што зацвярджаюцца Прэзідыумам НАН.
Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

"Гонка легенд" у Раўбічах "Гонка легенд" пройдзе ў рамках чэмпіянату Еўропы па біятлоне і збярэ вядомых біятланістаў, якія дабіваліся значных перамог у спартыўнай кар'еры.