Фота БРСМ
Навіны сюжэта
"Маладзёжная палітыка Беларусі "
4 лістапада, Мінск /Кар. БЕЛТА/. Фінальны этап чацвёртага сезона рэспубліканскага конкурсу маладых журналістаў "Прэс-код" стартаваў 4 лістапада ў Мінску, паведамляе БЕЛТА.
На рэспубліканскім этапе кампетэнтнае журы пад старшынствам першага намесніка міністра інфармацыі Беларусі Андрэя Кунцэвіча ацэніць амаль сотню праектаў. На яго думку, "Прэс-код" стаў значнай, вядомай творчай пляцоўкай, якая дазваляе раскрыцца маладым, энергічным, з нестандартным мышленнем хлопцам і дзяўчатам у самых розных медыянапрамках: ад фатаграфіі і карыкатуры да рэпартажнай здымкі і відэаблога.
"Прэс-код" - шанц праявіць сябе і стаць часткай унікальнай творчай гісторыі. Нямала прыкладаў, калі менавіта пасля нашага конкурсу многія школьнікі прымаюць для сябе рашэнне звязаць сваё далейшае жыццё з журналістыкай. Калі гэта хлопцы і дзяўчаты больш старэйшыя, якія працуюць ужо ў рэдакцыях, то для іх гэта магчымасць быць заўважанымі і атрымаць запрашэнне ў вядучыя рэспубліканскія СМІ. З майго пункту гледжання, заўважыць такую моладзь і даць ім магчымасць для далейшага творчага росту - галоўная задача нашага конкурсу, які мы праводзім ужо не першы год", - адзначыў ён.
Першы сакратар ЦК БРСМ Уладзімір Паўлоўскі расказаў аб крытэрыях, на якія журы будзе абапірацца пры абароне заявак удзельнікаў. "Будзем звяртаць увагу ў першую чаргу на шчырасць, тыя пасылы, якія той ці іншы ўдзельнік хацеў данесці да сваёй аўдыторыі, сумленнасць, адкрытасць і актуальнасць матэрыялу", - адзначыў Уладзімір Паўлоўскі.
Намеснік галоўнага рэдактара рэдакцыі газеты "7 дней" Юлія Гаўрыленка, адна з членаў журы, расказала, што былі выступленні, якія вельмі складана было слухаць без слёз. "Некаторым удзельнікам таксама даводзілася перапыняцца, у іх дрыжаў голас. Калі перад табой фатаграфіі чалавека, які загіне праз некалькі месяцаў пасля таго, як быў зроблены здымак, або пісьмо франтавіка, у якім ён піша аб тым, што ён не перажыве вайну, гэта сапраўды кранае за душу. Удзельнікі правялі сапраўды маштабную работу: не проста збіралі архіўныя дакументы, а шукалі сведак вайны, іх сваякоў", - падзялілася яна.
Гаворачы пра ўдзельнікаў, Юлія Гаўрыленка адзначыла, што хтосьці з іх выбраў тэму Вялікай Перамогі, хтосьці вырашыў даносіць каштоўнасць сям'і і бацькоўства. "Мне здаецца, гэта важна рабіць якраз праз такія конкурсы, як "Прэс-код", таму што мэтавая аўдыторыя праектаў пра сям'ю - гэта ў большасці сваёй равеснікі нашых удзельнікаў, якім цяпер 20-30 гадоў. І моладзь, і тым больш тыя ўдзельнікі, якія працуюць ужо журналістамі, як ніхто разумеюць, што цікава іх сябрам і знаёмым, што можа іх зачапіць, як гаварыць пра важнае так, каб іх пачулі", - падкрэсліла член журы.
У конкурсе ўдзельнічаюць маладыя грамадзяне Рэспублікі Беларусь у дзвюх узроставых катэгорыях: ад 16 да 21 года і ад 22 да 31 года (на момант накіравання заяўкі на ўдзел у конкурсе). Ён стартаваў 12 ліпеня на маладзёжнай платформе "Формула будучыні" ў рамках Дня моладзі на XXXIV Міжнародным фестывалі мастацтваў "Славянскі базар у Віцебску". Пасля падачы заявак удзельнікі павінны былі прайсці адборачны этап на рэгіянальным узроўні, каб далей паспаборнічаць за перамогу ў фінале, арганізатарамі якога выступаюць Міністэрства інфармацыі Рэспублікі Беларусь і грамадскае аб'яднанне "Беларускі рэспубліканскі саюз моладзі".
У чацвёртым сезоне конкурсу паступіла 358 заявак. Кожны ўдзельнік ужо абараніў свой матэрыял на рэгіянальным узроўні ў час абласнога этапу конкурсу.
У дзень старту фінальнага этапу будуць прадстаўлены работы маладых аўтараў у намінацыях: "Лепшыя аўтарскія матэрыялы" (рэпартаж, спецыяльны праект, прымеркаваны да 80-годдзя Перамогі савецкага народа ў Вялікай Айчыннай вайне), "Лепшыя аўтарскія матэрыялы" (рэпартаж, спецыяльны праект, накіраваны на захаванне традыцыйных сямейных каштоўнасцей і маральных ідэалаў (культуры сямейных адносін і сямейнага выхавання, дыялогу пакаленняў, адказнага мацярынства і бацькоўства, шчаслівага дзяцінства, клопату маладога пакалення пра дабрабыт старэйшых членаў грамадства, умацавання сацыяльнага статусу сям'і), "Лепшы фотарэпартаж".
У другі дзень фінальнага этапу, 5 лістапада, за перамогу ў намінацыях "Лепшы відэасюжэт пра памятныя мясціны Беларусі, вядомых людзей, знамянальную падзею", "Лепшы відэаблог", "Лепшая аператарская работа", "Лепшы праект у новых медыя" будуць змагацца 50 прэтэндэнтаў.-0-
На рэспубліканскім этапе кампетэнтнае журы пад старшынствам першага намесніка міністра інфармацыі Беларусі Андрэя Кунцэвіча ацэніць амаль сотню праектаў. На яго думку, "Прэс-код" стаў значнай, вядомай творчай пляцоўкай, якая дазваляе раскрыцца маладым, энергічным, з нестандартным мышленнем хлопцам і дзяўчатам у самых розных медыянапрамках: ад фатаграфіі і карыкатуры да рэпартажнай здымкі і відэаблога.
"Прэс-код" - шанц праявіць сябе і стаць часткай унікальнай творчай гісторыі. Нямала прыкладаў, калі менавіта пасля нашага конкурсу многія школьнікі прымаюць для сябе рашэнне звязаць сваё далейшае жыццё з журналістыкай. Калі гэта хлопцы і дзяўчаты больш старэйшыя, якія працуюць ужо ў рэдакцыях, то для іх гэта магчымасць быць заўважанымі і атрымаць запрашэнне ў вядучыя рэспубліканскія СМІ. З майго пункту гледжання, заўважыць такую моладзь і даць ім магчымасць для далейшага творчага росту - галоўная задача нашага конкурсу, які мы праводзім ужо не першы год", - адзначыў ён.
Першы сакратар ЦК БРСМ Уладзімір Паўлоўскі расказаў аб крытэрыях, на якія журы будзе абапірацца пры абароне заявак удзельнікаў. "Будзем звяртаць увагу ў першую чаргу на шчырасць, тыя пасылы, якія той ці іншы ўдзельнік хацеў данесці да сваёй аўдыторыі, сумленнасць, адкрытасць і актуальнасць матэрыялу", - адзначыў Уладзімір Паўлоўскі.
Намеснік галоўнага рэдактара рэдакцыі газеты "7 дней" Юлія Гаўрыленка, адна з членаў журы, расказала, што былі выступленні, якія вельмі складана было слухаць без слёз. "Некаторым удзельнікам таксама даводзілася перапыняцца, у іх дрыжаў голас. Калі перад табой фатаграфіі чалавека, які загіне праз некалькі месяцаў пасля таго, як быў зроблены здымак, або пісьмо франтавіка, у якім ён піша аб тым, што ён не перажыве вайну, гэта сапраўды кранае за душу. Удзельнікі правялі сапраўды маштабную работу: не проста збіралі архіўныя дакументы, а шукалі сведак вайны, іх сваякоў", - падзялілася яна.
Гаворачы пра ўдзельнікаў, Юлія Гаўрыленка адзначыла, што хтосьці з іх выбраў тэму Вялікай Перамогі, хтосьці вырашыў даносіць каштоўнасць сям'і і бацькоўства. "Мне здаецца, гэта важна рабіць якраз праз такія конкурсы, як "Прэс-код", таму што мэтавая аўдыторыя праектаў пра сям'ю - гэта ў большасці сваёй равеснікі нашых удзельнікаў, якім цяпер 20-30 гадоў. І моладзь, і тым больш тыя ўдзельнікі, якія працуюць ужо журналістамі, як ніхто разумеюць, што цікава іх сябрам і знаёмым, што можа іх зачапіць, як гаварыць пра важнае так, каб іх пачулі", - падкрэсліла член журы.
У конкурсе ўдзельнічаюць маладыя грамадзяне Рэспублікі Беларусь у дзвюх узроставых катэгорыях: ад 16 да 21 года і ад 22 да 31 года (на момант накіравання заяўкі на ўдзел у конкурсе). Ён стартаваў 12 ліпеня на маладзёжнай платформе "Формула будучыні" ў рамках Дня моладзі на XXXIV Міжнародным фестывалі мастацтваў "Славянскі базар у Віцебску". Пасля падачы заявак удзельнікі павінны былі прайсці адборачны этап на рэгіянальным узроўні, каб далей паспаборнічаць за перамогу ў фінале, арганізатарамі якога выступаюць Міністэрства інфармацыі Рэспублікі Беларусь і грамадскае аб'яднанне "Беларускі рэспубліканскі саюз моладзі".
У чацвёртым сезоне конкурсу паступіла 358 заявак. Кожны ўдзельнік ужо абараніў свой матэрыял на рэгіянальным узроўні ў час абласнога этапу конкурсу.
У дзень старту фінальнага этапу будуць прадстаўлены работы маладых аўтараў у намінацыях: "Лепшыя аўтарскія матэрыялы" (рэпартаж, спецыяльны праект, прымеркаваны да 80-годдзя Перамогі савецкага народа ў Вялікай Айчыннай вайне), "Лепшыя аўтарскія матэрыялы" (рэпартаж, спецыяльны праект, накіраваны на захаванне традыцыйных сямейных каштоўнасцей і маральных ідэалаў (культуры сямейных адносін і сямейнага выхавання, дыялогу пакаленняў, адказнага мацярынства і бацькоўства, шчаслівага дзяцінства, клопату маладога пакалення пра дабрабыт старэйшых членаў грамадства, умацавання сацыяльнага статусу сям'і), "Лепшы фотарэпартаж".
У другі дзень фінальнага этапу, 5 лістапада, за перамогу ў намінацыях "Лепшы відэасюжэт пра памятныя мясціны Беларусі, вядомых людзей, знамянальную падзею", "Лепшы відэаблог", "Лепшая аператарская работа", "Лепшы праект у новых медыя" будуць змагацца 50 прэтэндэнтаў.-0-
Падпісвайцеся на нас у
