Фота з архіва
24 ліпеня, Мінск /Кар. БЕЛТА/. У Генпракуратуры склалі партрэт кібермахляра. Аб гэтым паведаміла журналістам намеснік начальніка ўпраўлення Генеральнай пракуратуры Юлія Харчэйкіна, перадае карэспандэнт БЕЛТА.
Праведзены Генеральнай пракуратурай аналіз судовай практыкі паказаў, што ў 2024 годзе за махлярства асуджана 816 асоб. З іх за махлярствы з выкарыстаннем ІКТ - 360, гэта 44,1 працэнта. Большасць асуджаных складаюць мужчыны - 84,7 працэнта. Моладзь ва ўзросце ад 18 да 29 гадоў у структуры судзімасці за махлярства з ІКТ займае 55,8 працэнта. Істотная доля асоб, не інтэграваных у грамадска-карысныя сферы занятасці: практычна палавіна адносілася да катэгорыі людзей, якія не працавалі і не вучыліся, - 48,9 працэнта. Больш за палавіну мелі вышэйшую або сярэднюю спецыяльную адукацыю - 52,2 працэнта.
"Тыповы сацыяльна-дэмаграфічны партрэт асуджанага за махлярства, учыненае з выкарыстаннем інфармацыйна-камунікацыйных тэхналогій, характарызуецца наступнымі рысамі. Гэта мужчына маладога ўзросту, які з высокай верагоднасцю не мае пастаяннага месца работы або вучобы. І пры гэтым з даволі высокім узроўнем адукацыі. Істотная рызыка рэцыдыву, асабліва спецыялізаванага, і высокая доля ўчынення зчынства ў групе, у тым ліку арганізаванай", - адзначыла Юлія Харчэйкіна.
Махлярства з выкарыстаннем ІКТ характарызуецца высокай доляй групавых форм рэалізацыі. Сярод распаўсюджаных спосабаў махлярства з выкарыстаннем ІКТ: завалоданне грашыма пацярпелых шляхам размяшчэння на гандлёвых пляцоўках аб'яў аб продажы не існуючага ў наяўнасці тавару, дасягненне дамоўленасці аб пералічэнні перадаплаты і далейшае невыкананне ўзятых на сябе абавязацельстваў, паведамленне выдуманых звестак аб нібыта ўчыненых па віне іх сваякоў ДТЗ, у якіх пацярпелі грамадзяне, і неабходнасці ў сувязі з гэтым перадаць сродкі для лячэння пацярпелых і непрыцягнення вінаватых у ДТЗ да адказнасці, падман пад выглядам дабрачыннай дзейнасці, а таксама на сайтах знаёмстваў.-0-
Праведзены Генеральнай пракуратурай аналіз судовай практыкі паказаў, што ў 2024 годзе за махлярства асуджана 816 асоб. З іх за махлярствы з выкарыстаннем ІКТ - 360, гэта 44,1 працэнта. Большасць асуджаных складаюць мужчыны - 84,7 працэнта. Моладзь ва ўзросце ад 18 да 29 гадоў у структуры судзімасці за махлярства з ІКТ займае 55,8 працэнта. Істотная доля асоб, не інтэграваных у грамадска-карысныя сферы занятасці: практычна палавіна адносілася да катэгорыі людзей, якія не працавалі і не вучыліся, - 48,9 працэнта. Больш за палавіну мелі вышэйшую або сярэднюю спецыяльную адукацыю - 52,2 працэнта.
"Тыповы сацыяльна-дэмаграфічны партрэт асуджанага за махлярства, учыненае з выкарыстаннем інфармацыйна-камунікацыйных тэхналогій, характарызуецца наступнымі рысамі. Гэта мужчына маладога ўзросту, які з высокай верагоднасцю не мае пастаяннага месца работы або вучобы. І пры гэтым з даволі высокім узроўнем адукацыі. Істотная рызыка рэцыдыву, асабліва спецыялізаванага, і высокая доля ўчынення зчынства ў групе, у тым ліку арганізаванай", - адзначыла Юлія Харчэйкіна.
Махлярства з выкарыстаннем ІКТ характарызуецца высокай доляй групавых форм рэалізацыі. Сярод распаўсюджаных спосабаў махлярства з выкарыстаннем ІКТ: завалоданне грашыма пацярпелых шляхам размяшчэння на гандлёвых пляцоўках аб'яў аб продажы не існуючага ў наяўнасці тавару, дасягненне дамоўленасці аб пералічэнні перадаплаты і далейшае невыкананне ўзятых на сябе абавязацельстваў, паведамленне выдуманых звестак аб нібыта ўчыненых па віне іх сваякоў ДТЗ, у якіх пацярпелі грамадзяне, і неабходнасці ў сувязі з гэтым перадаць сродкі для лячэння пацярпелых і непрыцягнення вінаватых у ДТЗ да адказнасці, падман пад выглядам дабрачыннай дзейнасці, а таксама на сайтах знаёмстваў.-0-
Падпісвайцеся на нас у
