Мабільная версія
ДЗЯРЖОРГАНЫ

Апошнія навіны
Усе навіны

У Беларусі прапрацоўваюцца новыя дыферэнцыраваныя тарыфы на ЖКП

Грамадства 14.09.2017 | 15:57

14 верасня, Мінск /Кар. БЕЛТА/. У Беларусі прапрацоўваюцца новыя дыферэнцыраваныя тарыфы на ЖКП. Аб гэтым інфармуе газета "Звязда", паведамляе БЕЛТА.

Новыя дыферэнцыраваныя тарыфы абмяркоўваюцца з улікам запуску Беларускай АЭС. Мяркуецца, што кошт электраэнергіі ў залежнасці ад часу сутак можа адрознівацца ў 3 разы. Як піша "Звязда", плануецца таксама размежаваць для насельніцтва цэны адносна часу пікавых нагрузак і пры налічэнні аплаты за падаграванне вады і ацяпленне і пашырыць групы спажыўцоў, якія могуць расплачвацца па субсідзіруемым тарыфе.

Дыферэнцыяцыя тарыфаў разлічана на тое, каб насельніцтва не пацярпела ад падаражання жыллёва-камунальных паслуг.

"З улікам таго, што па большасці ЖКП мы выходзім на 100-працэнтны ўзровень кампенсацыі, індэксацыя на намінальную зарплату, якая праводзіцца сёння, да іх па заканадаўстве прымяняцца не можа. Хоць з часам мы можам сутыкнуцца з тым, што затраты на аказанне гэтых паслуг вырастуць і дасягнуты ўзровень 100-працэнтнай кампенсацыі выконвацца не будзе", - адзначыў намеснік міністра антыманапольнага рэгулявання і гандлю Іван Вежнавец.

Сумесна з Міністэрствам жыллёва-камунальнай гаспадаркі МАРГ распрацоўвае падыходы па магчымай індэксацыі тарыфаў у залежнасці ад затрат, якія ўваходзяць у пэўную паслугу.

Прапановы будуць накіраваны на разгляд кіраўніку дзяржавы, таму што для разліку тарыфаў патрэбна будзе змяніць базавую велічыню. Папярэдне разлічаны тарыф на энергію ад АЭС таксама накіраваны на разгляд кіраўніцтву краіны.

Каб стымуляваць выкарыстанне электраэнергіі, прапрацаваны і дыферэнцыраваныя ў залежнасці ад пікавых і звычайных гадзін тарыфы для электракацельняў, запланаваных да ўводу. Узгодненыя значэнні будуць прымяняцца на эксперыментальных электракацельнях. Каб дыферэнцыраванымі тарыфамі маглі карыстацца жыхары, трэба ўстанавіць у дамах адпаведныя лічыльнікі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў