Мабільная версія
ДЗЯРЖОРГАНЫ

Апошнія навіны
ІНФАГРАФІКА: Змяненне меж Мінска
Учора 13:03 Стужка навiн
Усе навіны

У Беларусі падрыхтаваны прапановы па прыярытэтах навуковай і інавацыйнай дзейнасці да 2025 года

Грамадства 21.08.2019 | 17:51
Фота з архіва
Фота з архіва

21 жніўня, Мінск /Кар. БЕЛТА/. Праект указа "Аб прыярытэтных напрамках навуковай, навукова-тэхнічнай і інавацыйнай дзейнасці на 2021-2025 гады" абмеркавалі на пасяджэнні Грамадска-кансультатыўнага савета па развіцці прадпрымальніцтва ў навукова-тэхнічнай і інавацыйнай сферах, якое прайшло пад кіраўніцтвам старшыні Дзяржаўнага камітэта па навуцы і тэхналогіях Аляксандра Шуміліна, паведамілі БЕЛТА ў ДКНТ.

Дакумент павінен зацвердзіць у якасці прыярытэтных напрамкаў навуковай, навукова-тэхнічнай і інавацыйнай дзейнасці навукаёмістыя інфармацыйна-камунікацыйныя, лічбавыя і міждысцыплінарныя тэхналогіі; навукі аб жыцці (біялагічныя, хімічныя, медыцынскія і фармацэўтычныя тэхналогіі); энергетыку, экалогію і рацыянальнае прыродакарыстанне; машынабудаванне і інавацыйныя матэрыялы; аграпрамысловыя і харчовыя тэхналогіі; бяспеку чалавека, грамадства і дзяржавы.

Фота ДКНТ
Фота ДКНТ'

Гэтыя прыярытэты падрыхтаваны на аснове распрацаванага ДКНТ комплекснага прагнозу навукова-тэхнічнага развіцця Беларусі на 2021-2025 гады і на перыяд да 2040 года.

"Абмяркоўваемы праект указа кіраўніка дзяржавы дасць магчымасць сканцэнтраваць дзяржаўныя рэсурсы на рэалізацыі найбольш важных і значных напрамкаў навуковай, навукова-тэхнічнай і інавацыйнай дзейнасці для нашай краіны", - падкрэсліў Аляксандр Шумілін. Ён таксама адзначыў, што прынятыя дзяржавай, навуковай і экспертнай супольнасцю меры будуць садзейнічаць устойліваму інавацыйнаму развіццю краіны.

Па выніках пасяджэння Грамадска-кансультатыўнага савета па развіцці прадпрымальніцтва ў навукова-тэхнічнай і інавацыйнай сферах пры ДКНТ праект разгледжанага ўказа ў цэлым адобраны.

Палажэнне аб Грамадска-кансультатыўным савеце па развіцці прадпрымальніцтва ў навукова-тэхнічнай і інавацыйнай сферах зацверджана загадам ДКНТ. У яго склад уваходзяць прадстаўнікі органаў дзяржкіравання і грамадскіх аб'яднанняў (Рэспубліканскі саюз наймальнікаў "БелСН", Савет СЮЛ "Рэспубліканская канфедэрацыя прадпрымальніцтва", Асацыяцыя "Інавацыйнае прыборабудаванне"), прадпрымальнікі, кіраўнікі тэхнапаркаў і інавацыйных кампаній ("Адані", "Тэхналіт", "ІнКата" і інш.).-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.