14 верасня, Мінск /Кар. БЕЛТА/. У Беларускім дзяржаўным педагагічным універсітэце імя Максіма Танка ўпершыню пачнецца навучанне па англамоўнай праграме магістратуры. Аб гэтым БЕЛТА паведамілі ў прэс-службе БДПУ.
"З навучальнага года 2020/2021 у БДПУ ўпершыню пачнецца навучанне па англамоўнай праграме магістратуры па спецыяльнасці "тэорыя і методыка навучання і выхавання (па галінах і ўзроўнях адукацыі)". Прафілізацыя - "агульная педагогіка, гісторыя педагогікі і адукацыі". Адукацыйны працэс будуць ажыццяўляць высокакваліфікаваныя спецыялісты, якія маюць вопыт удзелу ў міжнародных праектах і чытанні лекцый ва ўстановах вышэйшай адукацыі Беларусі і за мяжой", - расказалі ў прэс-службе.
Так, 9 верасня ўжо адбылася анлайн-гутарка з прэтэндэнтамі на навучанне. Па выніках гутаркі да залічэння рэкамендаваны сем абітурыентаў.
Набор на навучанне па англамоўнай праграме магістратуры па спецыяльнасці "тэорыя і методыка навучання і выхавання (па галінах і ўзроўнях адукацыі)" прадоўжыцца па 31 кастрычніка.-0-
