4 ліпеня, Мінск /Кар. БЕЛТА/. Цэнтралізаванае тэсціраванне па геаграфіі прайшло ў штатным рэжыме, выдаленых за парушэнні не было. Аб гэтым карэспандэнту БЕЛТА паведаміў дырэктар Рэспубліканскага інстытута кантролю ведаў Юрый Міксюк.
"Сёння адбылося цэнтралізаванае тэсціраванне па геаграфіі. Прайсці іспыты па прадмеце планавалі больш за 1 тыс. абітурыентаў. Тэсціраванне прайшло штатна, выдаленых за парушэнні не было", - расказаў Юрый Міксюк.
Апошнім адбудзецца ЦТ па сусветнай гісторыі (навейшы час), якое пройдзе 6 ліпеня.
Рэзервовымі днямі ЦТ па беларускай і рускай мовах вызначаны 12 і 14 ліпеня, па астатніх прадметах - 12 і 16 ліпеня.
Абітурыенты з 14 ліпеня пачнуць атрымліваць сертыфікаты асноўнага этапу ЦТ. Тыя, хто пройдзе іспыты ў рэзервовыя дні, змогуць забраць іх пачынаючы з 21 ліпеня.-0-
