26 чэрвеня, Мінск /Кар. БЕЛТА/. Сто балаў на цэнтралізаваным тэсціраванні па грамадазнаўстве атрымалі 15 чалавек. Аб гэтым карэспандэнту БЕЛТА паведаміў дырэктар Рэспубліканскага інстытута кантролю ведаў Юрый Міксюк.
Вынікі ЦТ па грамадазнаўстве даступны на сайце РІКВ. Паводле слоў Юрыя Міксюка, 15 чалавек набралі сто балаў. У 2018 годзе іх было 11, а ў 2017-м - 16.
Сярэдні бал складае 50,58, у 2018 годзе ён быў на ўзроўні 43,73.
Наступнае цэнтралізаванае тэсціраванне, па гісторыі Беларусі, пройдзе 27 чэрвеня.-0-