Мабільная версія
ДЗЯРЖОРГАНЫ

Апошнія навіны
Усе навіны

Скульптура з нагоды 500-годдзя з'яўлення на водах Свіслачы абраза Божай Маці ўпрыгожыць цэнтр Мінска

Грамадства 06.03.2015 | 11:47
6 сакавіка, Мінск /Кар. БЕЛТА/. Скульптура з нагоды 500-годдзя з'яўлення на водах ракі Свіслач абраза Божай Маці ўпрыгожыць цэнтр Мінска. Аб гэтым паведаміў карэспандэнту БЕЛТА дырэктар КУП "Мінская спадчына" Павел Шыкунец.

Скульптура з нагоды 500-годдзя з'яўлення на водах ракі Свіслач абраза Божай Маці адкрыецца на вуліцы Зыбіцкай у чэрвені. Паводле задумы скульптараў Дзмітрыя Аганава і Ігара Засімовіча скульптура створана ў выглядзе абеліска, які імітуе раку. Наверсе кампазіцыі размесціцца ладдзя ў выглядзе птушкі-вешчуна, а ў ёй - абраз.

Як расказаў Павел Шыкунец, адкрыццё скульптуры будзе прымеркавана да візіту ў Беларусь Патрыярха Маскоўскага і ўсяе Русі Кірыла, які запланаваны на чэрвень 2015 года. Прыезд патрыярха стане кульмінацыяй мерапрыемстваў з нагоды 1000-годдзя спачыну святога роўнаапостальнага князя Уладзіміра.

На гербе Мінска паказана знакамітая сцэна, якая расказвае аб тым, як Дзева Марыя пасля сваёй смерці ўзнеслася на неба і трапіла ў рай. На гэтым шляху яе суправаджалі анёлы і херувімы. Згодна з легендай абраз з выявай Узнясення Божай Маці прыплыў у Мінск уверх па цячэнні Свіслачы з Кіева, разбуранага татарамі. На месцы, дзе абраз спыніўся каля берага, была пабудавана першая ў горадзе царква.

Герб быў прысвоены гораду ў 1591 годзе пасля надання Мінску 14 сакавіка 1499 года магдэбургскага права на самакіраванне.
Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.