11 лютага, Мінск /Кар. БЕЛТА/. Усім фактам перашкоды праву на ўдзел у рэферэндуме будзе дадзена прававая ацэнка. Аб гэтым БЕЛТА паведамілі ў Следчым камітэце.
"Следчы камітэт звяртае ўвагу, што ўдзелу ў любых правакацыях, звязаных з перашкодай ажыццяўленню грамадзянамі Беларусі сваіх выбарчых правоў, удзелу ў рэферэндуме і галасаванню будзе дадзена прававая ацэнка. Любое насілле, пагрозы, падман прывядуць да крымінальнай адказнасці", - расказалі ў СК.
У ведамстве падкрэслілі: усе падбухторшчыкі да ўчынення антыдзяржаўных дзеянняў, іх актыўныя памагатыя будуць устаноўлены.
"Не паддавайцеся ўздзеянню дэструктыўных рэсурсаў. Не спадзявайцеся на ананімнасць і ўяўную беспакаранасць, як правіла, гэта прыводзіць да сур'ёзных наступстваў", - дадалі ў СК.-0-