ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск Суцэльная воблачнасць -2°C
Усе навіны
Усе навіны
Грамадства
18 кастрычніка 2022, 15:01

Саюзныя парламентарыі абмяркуюць у Мінску новыя праграмы СД па пераадоленні наступстваў аварыі на ЧАЭС

Фота з архіва
Фота з архіва

18 кастрычніка, Масква /Эдуард Півавар - БЕЛТА/. Дэпутаты Парламенцкага сходу Саюза Беларусі і Расіі разгледзяць рэалізацыю і распрацоўку новых праграм па пераадоленні наступстваў аварыі на Чарнобыльскай АЭС. Гэтыя пытанні будуць абмяркоўвацца на пасяджэнні Камісіі Парламенцкага сходу па прыродных рэсурсах, экалогіі і ахове навакольнага асяроддзя, якое пройдзе 25 кастрычніка ў Мінску, паведамілі БЕЛТА ў прэс-службе сходу.

"Дэпутаты разгледзяць пытанне аб выніках выканання ў першым паўгоддзі 2022 года мерапрыемства Саюзнай дзяржавы "Аказанне комплекснай медыцынскай дапамогі асобным катэгорыям грамадзян Беларусі і Расіі, якія зведалі радыяцыйнае ўздзеянне ў выніку катастрофы на Чарнобыльскай АЭС" і праграмы сумеснай дзейнасці Беларусі і Расіі ў рамках Саюзнай дзяржавы па абароне насельніцтва і рэабілітацыі тэрыторый, пацярпелых у выніку катастрофы на Чарнобыльскай АЭС, - расказалі ў прэс-службе. - Таксама будзе абмеркавана пытанне аб падрыхтоўцы мерапрыемства Саюзнай дзяржавы "Аказанне комплекснай медыцынскай дапамогі асобным катэгорыям грамадзян Беларусі і Расіі, якія зведалі радыяцыйнае ўздзеянне ў выніку катастрофы на Чарнобыльскай АЭС" на 2023 год і пытанне аб ходзе падрыхтоўкі праекта канцэпцыі праграмы сумеснай дзейнасці Беларусі і Расіі ў рамках Саюзнай дзяржавы па пераадоленні негатыўных наступстваў у выніку аварыі на Чарнобыльскай АЭС".

Акрамя таго, будуць разгледжаны справаздача аб рэалізацыі праграмы Саюзнай дзяржавы "Развіццё сістэмы гідраметэаралагічнай бяспекі Саюзнай дзяржавы" на 2017-2021 гады і канцэпцыя саюзнай праграмы "Забеспячэнне гідраметэаралагічнай бяспекі ва ўмовах зменлівасці і змянення клімату" на 2023-2027 гады.

"У парадку дня пасяджэння - разгляд новых канцэпцый навукова-тэхнічнай праграмы Саюзнай дзяржавы "Распрацоўка сучасных тэхналогій геалагічнага вывучэння, рацыянальнага і экалагічна бяспечнага выкарыстання рэсурсаў нетраў Беларусі і Расіі" і мерапрыемства "Саюзны фестываль "Рыбалка без межаў", - дадалі ў прэс-службе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі