22 сакавіка, Мінск /Кар. БЕЛТА/. Кніга - крыніца духоўнага жыцця беларускага народа, заявіў першы намеснік кіраўніка Адміністрацыі Прэзідэнта Беларусі Максім Рыжанкоў на адкрыцці XXX Мінскай міжнароднай кніжнай выставы-кірмашу, перадае карэспандэнт БЕЛТА.
Зачытаўшы прывітанне Прэзідэнта Беларусі ўдзельнікам кніжнай выставы-кірмашу, Максім Рыжанкоў звярнуў увагу гасцей мерапрыемства на тое, наколькі вялікую ўвагу кіраўнік дзяржавы ўдзяляе працы пісьменнікаў, выдаўцоў.
Першы намеснік кіраўніка Адміністрацыі звярнуў увагу на важнасць супрацоўніцтва з партнёрамі, сябрамі з Расіі, Кітая, краін СНД і ў цэлым усімі тымі, хто падтрымлівае беларусаў у імкненні развіваць кнігу як крыніцу духоўнага жыцця народа. "Тымі, хто падтрымлівае тыя традыцыйныя каштоўнасці, якія раскрывае кніга, хто дапамагае нам станавіцца больш духоўнымі і багацейшымі", - сказаў ён.
Максім Рыжанкоў пажадаў гасцям выставы-кірмашу знайсці сябра, а можа і не аднаго, у выглядзе кнігі.
XXХ Мінская міжнародная кніжная выстава-кірмаш будзе праходзіць па 26 сакавіка ў адміністрацыйным комплексе на пр.Пераможцаў, 14. За гады правядзення выставу наведалі сотні тысяч аматараў кнігі. Выстава традыцыйна збірае пісьменнікаў, выдаўцоў і прадстаўнікоў кнігагандлю з краін блізкага і далёкага замежжа.
Год міру і стварэння, абвешчаны ў Беларусі, - ключавая ідэйная лінія, што вызначае мерапрыемствы кніжнай выставы-кірмашу. Сугучна і назва выставы 2023 года - "Свет кнігі без межаў". Нацыянальны стэнд увасобіў у сабе як назву выставы, так і дэманструе сучасныя сусветныя тэндэнцыі ў кнігавыданні, у тым ліку ў Беларусі. Паколькі кніга сёння асацыюецца не толькі з папяровым носьбітам, але і з аўдыя-, відэафарматам, дапоўненай рэальнасцю, што трансліруецца праз усе магчымыя існуючыя інфармацыйныя рэсурсы.-0-
