ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Грамадства
18 мая 2022, 15:13

Петрышэнка: спадзяёмся, фестываль нацыянальных культур будзе прырастаць новымі ідэямі і падыходамі

Ігар Петрышэнка
Ігар Петрышэнка

18 мая, Мінск /Кар. БЕЛТА/. У Гродне 18 мая прайшло пасяджэнне аргкамітэта па падрыхтоўцы і правядзенні Рэспубліканскага фестывалю нацыянальных культур, перадае карэспандэнт БЕЛТА.

"Нашы людзі засумавалі без гэтага фестывалю. Будзем яго праводзіць з 3 па 5 чэрвеня. У нас на канстытуцыйным узроўні зафіксавана роўнасць і рэалізацыя нацыянальных асаблівасцей усіх народнасцей, якія пражываюць на тэрыторыі Рэспублікі Беларусь. У нас 156 нацыянальнасцей, з іх каля 25 аб'яднаны ў 205 грамадскіх арганізацый. Гэта вельмі добры, цікавы аспект. У фестывалі культур прымаюць актыўны ўдзел амаль 30 дыяспар. Яны актыўныя, яны тут інкарпараваныя, яны нашы беларусы, - расказаў журналістам намеснік прэм'ер-міністра Ігар Петрышэнка. - Прынята і рэалізуецца нацыянальная праграма "Культура Беларусі", у ёй ёсць пэўныя аспекты падтрымкі і развіцця, ёсць адпаведныя інстытуцыянальныя органы ў нашай краіне - упаўнаважаны па справах рэлігій і нацыянальнасцей, Міністэрства культуры, Міністэрства адукацыі, Міністэрства інфармацыі і іншыя структуры, непасрэдна арыентаваныя на падрыхтоўку і якаснае правядзенне фестывалю".

Па традыцыі фестываль праводзіцца ў Гродне з 1996 года. "Гэта маштаб рэспубліканскага мерапрыемства. І яны вельмі адказна, як вобласць, так і горад, падыходзяць да таго, каб усе дробныя дэталі былі ўлічаны. Каб з кожным фестывалем дадаваліся новыя, цікавыя моманты, звязаныя як з цырымоніяй адкрыцця, так і з пабудовай гала-канцэрта адкрыцця, работы падворкаў, дзе дэманструюцца нацыянальныя асаблівасці культур, нацыянальнага адзення, нацыянальнай кухні і рамеснае майстэрства народнасцей, якія пражываюць на тэрыторыі Беларусі. І ўсё гэта ў адзінай дружнай беларускай сям'і. Што вельмі важна, ва ўсіх гэтых мерапрыемствах актыўны ўдзел прымае моладзь, - падкрэсліў віцэ-прэм'ер. - Спадзяюся, з 3 па 5 чэрвеня Гродна сапраўды стане магутным складнікам нашага аб'яднання, пазітыўнага развіцця нашай краіны, і ў далейшым гэты фестываль будзе прырастаць новымі ідэямі, падыходамі і дасягненнямі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі