Фота з архіва
25 сакавіка, Мінск /Кар. БЕЛТА/. Паміж Мінскам і Омскам плануецца арганізаваць прамыя авіязносіны. Рэйс можа быць арганізаваны з пачатку 2025 года. Аб гэтым расказаў журналістам губернатар Омскай вобласці Расіі Віталь Хацэнка па выніках сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Паводле слоў Віталя Хацэнкі, на сустрэчы з кіраўніком дзяржавы абмяркоўвалася магчымасць арганізацыі прамога авіярэйса Мінск - Омск пачынаючы з 2025 года. Цяпер ідзе падбор кампаніі, якая магла б лятаць па гэтым авіямаршруце. "Будзем старацца зрабіць так, каб такі рэйс удаўся", - сказаў губернатар.
З'яўленне прамых авіязносін будзе садзейнічаць у тым ліку і развіццю супрацоўніцтва ў сферы санаторна-курортнага лячэння. Цяпер многія жыхары Омскай вобласці выбіраюць для адпачынку і аздараўлення санаторыі Мінскай вобласці, з якой непасрэдна ўзаемадзейнічае расійскі рэгіён. У планах - зацікавіць іх здраўніцамі і ў іншых беларускіх абласцях.-0-
