9 лістапада, Пінск /Кар. БЕЛТА/. У Пінску трэба цалкам выкарыстоўваць турыстычныя фішкі горада. Аб гэтым заявіў кіраўнік Адміністрацыі Прэзідэнта Дзмітрый Крутой на канцэрце "Час выбраў нас" на "Марафоне адзінства" ў Пінску, перадае карэспандэнт БЕЛТА.
"У кожнага горада нашай краіны, як гаворыць Прэзідэнт, павінны быць свае фішкі. У маладзёжным слэнгу ёсць такі выраз: "маст-хэв". Адной з фішак Пінска мог бы стаць прагляд "Пінскай шляхты" ў Пінску. Чаму б і не?" - сказаў Дзмітрый Крутой.
Кіраўнік Адміністрацыі Прэзідэнта адзначыў, што ўпершыню пабываў у Пінску каля 20 гадоў таму. "Мне на той момант падалося, што было б проста выдатна аднавіць набярэжную. І запусціць сучасны цеплаход. Шчыра, я летам ні разу не быў у Пінску. Быў глыбокай восенню ці зімой. Але вось гэту турыстычную фішку вашага горада трэба выкарыстоўваць цалкам. Каб кожны беларус і "Пінскую шляхту" паглядзеў, і пракаціўся ў Пінску на цеплаходзе", - падкрэсліў ён.
Дзмітрый Крутой звярнуў увагу і на прамысловы патэнцыял Пінска. "Вельмі шмат прадпрыемстваў добрых - "Пінскдрэў", "Амкадор", "Палессе". Прадстаўнікі напэўна прысутнічаюць у зале. Вы вялікія малайцы. Хачу падзякаваць вам за вашу працу. Захоўвайце дастойныя рабочыя месцы, пастаянна інвесціруйце", - дадаў ён.
Кіраўнік Адміністрацыі Прэзідэнта канстатаваў, што Пінск вельмі папрыгажэў і змяніўся ў лепшы бок. "Выдатныя сацыяльныя аб'екты. Нядаўна на ўсю краіну паказвалі абноўленую дзіцячую бальніцу. Яшчэ аб'екты рэканструююцца. Вядома, хацелася б больш, можа, хутчэй. Але паверце, зыходзячы з магчымасцей краіны, робіцца максімум. Усё, што ёсць, усё, што дадаткова зарабляем у бюджэце, накіроўваецца ў сацыяльную сферу. І не заўважыць, як папрыгажэў Пінск, можа толькі сапраўды прадузяты чалавек", - сказаў на заканчэнне Дзмітрый Крутой.-0-
Падпісвайцеся на нас у
