ДЗЯРЖОРГАНЫДЗЯРЖОРГАНЫ
Аўторак, 18 лютага 2020
Мінск Суцэльная воблачнасць +4°C
Усе навіны
Усе навіны
Грамадства
22 студзеня 2020, 13:06

Новаму КоАП патрэбны дакладныя фармулёўкі, дыферэнцыяцыя штрафаў - КДК

Фота з архіва
Фота з архіва

22 студзеня, Мінск /Кар. БЕЛТА/. Дакладныя фармулёўкі і тлумачэнне норм дае магчымасць выключыць суб'ектывізм і адназначна кваліфікаваць правапарушэнні. Сваім меркаваннем аб магчымых змяненнях і існуючых праблемах пры прымяненні норм Кодэкса аб адміністрацыйнай адказнасці (КоАП) і Працэсуальна-выканаўчага кодэкса аб адміністрацыйнай адказнасці (ПВКоАП) з выданнем "СБ. Беларусь сегодня" падзяліўся член міжведамаснай экспертнай камісіі па ўдасканаленні заканадаўства аб адміністрацыйнай адказнасці, першы намеснік старшыні Камітэта дзяржаўнага кантролю Васіль Герасімаў, паведамляе БЕЛТА.

Да чэрвеня 2020 года камісія павінна прадставіць праекты новых кодэксаў для даклада кіраўніку дзяржавы. "Задача экспертнай камісіі заключаецца ў тым, каб устараніць існуючыя недахопы і назаўсёды выключыць унясенне ў КоАП і ПВКоАП разрозненых, супярэчлівых і не пацверджаных правапрымяняльнай практыкай змяненняў і дапаўненняў", - падкрэсліў Васіль Герасімаў.

"З-за недакладнасці фармулёвак і неадназначнасці тлумачэння асобных норм КоАП пры прыцягненні парушальнікаў да адміністрацыйнай адказнасці часта прысутнічае пэўны суб'ектывізм", - дадаў ён. І прывёў у якасці прыкладу паняцце "малазначнасць", пад якім у КоАП маецца на ўвазе дзеянне, што нанесла нязначную шкоду ахоўным правам і інтарэсам. "Тым не менш адносна гэтага паняцця ў кожнага сваё разуменне. Ёсць паняцце "эканамічная (дзелавая) рызыка", якая можа прызнавацца абгрунтаванай, калі пастаўленая мэта магла быць дасягнута і нерызыкоўнымі дзеяннямі, але з меншым эканамічным рэзультатам. Аднак на практыцы да яго таксама розныя падыходы", - адзначыў Васіль Герасімаў.

Акрамя таго, у асобных сферах рознымі артыкуламі КоАП прадугледжана адказнасць за адно і тое ж дзеянне. Напрыклад, за рэалізацыю тавараў з пратэрмінаванымі тэрмінамі годнасці адміністрацыйная адказнасць прадугледжана як за парушэнне правіл гандлю, так і за парушэнне санітарных норм і правіл.

Прадстаўнік КДК звярнуў увагу і на тое, што пры наяўнасці вялікага выбару альтэрнатыўных відаў пакарання часцей за ўсё прымяняюцца штрафныя санкцыі. У КДК упэўнены: пакаранне павінна адпавядаць цяжару ўчыненага правапарушэння. Але не заўсёды ўстаноўленыя КоАП фіксаваныя штрафы даюць магчымасць улічыць усе абставіны. "Заканамерна ставіцца пытанне аб катэгарызацыі адміністрацыйных правапарушэнняў, карэкціроўцы пераліку відаў спагнанняў і дыферэнцыяцыі іх памераў", - сказаў Васіль Герасімаў. Пры гэтым, на яго думку, трэба выпрацаваць дакладныя крытэрыі вінаватасці юрыдычнай асобы і яе работнікаў, таму што існуюць факты перакладання адказнасці.

Рэзюмуючы існуючыя праблемы і дзеянні, якія дапамогуць іх вырашыць, першы намеснік старшыні КДК прывёў наступны рэцэпт рэфармавання заканадаўства. Неабходна правесці інвентарызацыю масіву дзеючых норм Асаблівай часткі КоАП, упарадкаваўшы іх і выключыўшы неактуальныя і аднародныя склады адміністрацыйных правапарушэнняў, выпрацаваць дакладныя правілы кваліфікацыі адміністрацыйных праступкаў, а таксама мінімізаваць наяўнасць ацэначных катэгорый у нормах КоАП. І важна прадставіць магчымасць дыферэнцыяцыі штрафаў, каб пакаранне адпавядала цяжару ўчыненага парушэння.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі