3 чэрвеня, Мінск /Кар. БЕЛТА/. Натарыусы Беларусі ў чэрвені прадоўжаць кансультаваць бясплатна, паведаміў БЕЛТА памочнік старшыні Беларускай натарыяльнай палаты (БНП) Артур Стрэх.
Рашэнне аб прадаўжэнні акцыі па бясплатным кансультаванні грамадзян у аддаленым фармаце прынята для аховы насельніцтва ад магчымых рызык заражэння каранавіруснай інфекцыяй COVID-19 і выканання рэкамендацый па фізічным дыстанцыраванні.
На працягу чэрвеня грамадзяне могуць звярнуцца да натарыуса па тэлефонах натарыяльных кантор і натарыяльных бюро або з выкарыстаннем сродкаў відэасувязі (мэсэнджараў skype, viber і г.д.) і атрымаць інфармацыю па пытаннях, якія іх цікавяць. З графікам прадастаўлення кансультацый натарыусамі ў аддаленым фармаце можна азнаёміцца на сайце БНП.
Такая аддаленая кансультацыя з'яўляецца папярэдняй, дадалі ў Беларускай натарыяльнай палаце. Адносна некаторых канкрэтных праваадносін поўная кансультацыя можа быць прадастаўлена толькі пасля ацэнкі натарыусам усіх існуючых абставін і неабходных дакументаў.
Актуальныя кантактныя тэлефоны, а таксама логіны натарыяльных кантор і натарыяльных бюро ў мэсэнджарах размешчаны на сайце Беларускай натарыяльнай палаты ў раздзеле "Знайсці натарыуса".-0-