Мабільная версія
ДЗЯРЖОРГАНЫ
Апошнія навіны
Усе навіны

Насельніцтва ў Беларусі ў 2019 годзе будзе пакрываць каля 20 працэнтаў сабекошту цеплавой энергіі

Грамадства 09.11.2018 | 18:01
Фота з архіва
Фота з архіва

9 лістапада, Мінск /Кар. БЕЛТА/. Насельніцтва ў Беларусі ў 2019 годзе будзе пакрываць каля 20 працэнтаў сабекошту цеплавой энергіі. Аб гэтым паведаміў сёння журналістам намеснік старшыні Дзяржстандарту - дырэктар дэпартамента па энергаэфектыўнасці Міхаіл Малашэнка, адказваючы на пытанне карэспандэнта БЕЛТА.

Па выніках 2017 года насельніцтва пакрывала 16,9 працэнта затрат на аказанне паслуг па цеплазабеспячэнні. Міністэрства антыманапольнага рэгулявання і гандлю прагназуе гэты паказчык на 2018 год на ўзроўні 19,5 працэнта.

"У 2019 годзе насельніцтва будзе пакрываць каля 20 працэнтаў ад сабекошту цеплавой энергіі. Скачкападобны рост тарыфаў для насельніцтва ў бліжэйшы час не прадугледжваецца. Ёсць рашэнне Прэзідэнта, урада, згодна з якім кошт камунальных паслуг, куды ўваходзіць і аплата электрычнай, цеплавой энергіі, будзе расці не больш чым на $5 у год", - адзначыў Міхаіл Малашэнка.

Ён таксама абазначыў перспектыву будаўніцтва жылля, у якім для ацяплення, гарачага водазабеспячэння і прыгатавання ежы будзе выкарыстоўвацца толькі электрычнасць. "Такія пілотныя праекты ў 2019 годзе будуць апрабаваны. Неабходна, каб гэтаму папярэднічала работа па аптымізацыі тарыфаў на электранаграванне ў сістэме ЖКГ. Будзем рухацца далей у гэтым напрамку", - дадаў дырэктар дэпартамента.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.