ДЗЯРЖОРГАНЫДЗЯРЖОРГАНЫ
Субота, 19 верасня 2020
Мінск Ясна +9°C
Усе навіны
Усе навіны
Грамадства
09 жніўня 2020, 16:28

Наглядальнік ад МПА СНД: парушэнняў у час галасавання на выбарах Прэзідэнта не заўважана

На ўчастку ў Нясвіжы Сатвалдыеў Нурбек і Башкін Аляксандр
На ўчастку ў Нясвіжы Сатвалдыеў Нурбек і Башкін Аляксандр

9 жніўня, Мінск /Кар. БЕЛТА/. Парушэнняў у час галасавання на выбарах Прэзідэнта Беларусі не заўважана, паведаміў сёння ў Нясвіжы журналістам наглядальнік ад МПА СНД, намеснік старшыні Камітэта па канстытуцыйным заканадаўстве і дзяржаўным будаўніцтве Савета Федэрацыі РФ Аляксандр Башкін, перадае карэспандэнт БЕЛТА.

"Вельмі важны фактар - адпаведнасць патрабаванням нацыянальнага выбарчага заканадаўства і міжнародным стандартам. Ні вялікіх, ні малых парушэнняў, разыходжанняў з патрабаваннямі заканадаўства і выбарчых стандартаў мы не сустрэлі, - сказаў Аляксандр Башкін. - Магу сказаць, што недахопаў на тых участках, якія бачыў, я не заўважыў".

Наглядальнік адзначыў святочны і пазітыўны настрой тых, хто прыходзіць аддаць свой голас, і членаў выбарчых камісій. Ён таксама звярнуў увагу на высокую яўку і актыўнасць выбаршчыкаў.

Аляксандр Башкін назваў пазітыўным момантам магчымасць галасаваць не толькі ў асноўны дзень выбараў, але і на працягу некалькіх дзён да яго. "Таму што галоўнае, да чаго павінны імкнуцца ўлада і грамадства, арганізуючы выбарчы працэс, гэта зручнасць для выбаршчыкаў. Некалькі дзён галасавання, вядома, такую зручнасць павышаюць", - лічыць ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі